"İrəli qoş, irəli,
Ey mənim gözəl qızım!
Qalma həyatdan geri,
Oxu mükəmməl, qızım!
Uca dağlardan atlan,
Hər çətinliyə qatlan,
Bir quş kimi qanadlan,
Göylərə yüksəl, qızım!
Mehriban ol insana,
Bir yuxarı baxsana:
Göydən günəş, ay sana
Eyləyir gəl-gəl, qızım!"
Kitabı ilk dəfə fars dili imtahanına gedəndə @günü - nün əlində görüb vərəqləmişdim. Ürəyim getmişdi kitabdakı o səmimiyyətə.
Nə yazım, nə danışım bilmirəm. Onsuz kitabdakı hər ziyalı hamımıza tanışdır. Mikayıl Müşfiq şeirlərinin yazılma tarixi, Dilbər xanımla aralarındakı o güclü bağ, qələm yoldaşları ilə xatirələri və daha nicə doymadığım səhnələri oxudum. Təbəssümlə, şirin-şirin başlamışdım kitaba, sonlarına doğru Müşfiqin, başına gələcəklərdən xəbərsiz istəklərini, xəyallarını oxuyunca özümü saxlaya bilmədim.
Ədəbiyyatımızda, tariximizdə vaxtilə bu cür gənc ziyalı olduğundan ötrü qürurlanıram. Cismən olmasa da, o, ruhən hələ də yanımızdadır.
#aimraabooks
