Nûbihar Dergisi - Sayı 166
Nubihar DergisiSözler ve Alıntılar
Heyat hereket e. Eger tu bê hereket bûyî bila fatihê bixwînin.
-Hayat harekettir. Eğer hareketsiz kaldıysan fatihayı okusunlar.-
Sayfa 4
Marşa Xortê Kurda • Mela Ehmedê Namî
Xortê kurda tevde rabin dilşad û xweşî
Em kurdên kurdistanin her bijîn bijî
Her bijî Kurdistan her bêjin bijî
Ev welatek pir şêrîne , her bijî welat
Rêberê xwîn firoşin bo jîna welat
Her bijî Kurdistan her bêjin bijî
Serbilindî kes nabînî bê rojên dijwar
Wek şêrên birîndarin bo tene xwîn xwar
Her bijî Kurdistan her bêjin bijî
Roja cengê em tev mêrin, şagirtên Restem
Serbestî doza me ye her roj û dem
Her bijî Kurdistan her bêjin bijî
Welatê me pir hêjaye, terka wî nakim
Ger divê rêde îro em can fidakin
Her bijî Kurdistan her bêjin bijî
Zarok im por xelek im,
Rû fedîkok ken veşartî me,
Sayfa 47 - Seyyîd Rissînî
Arî Ye • Mela Xelîlê Mişextî
Ev çi zend e, ev çi qend e, ew çi find e, çi şemal
Ev çi xal e, çi şemam e, ev çi rend e, çi şepal
Ev çi nexdan e, çi lêv in, ev çi ebrû ne hîlal
Ev çi mujgan in, çi tîr in, ew çi xifş in, karxezal
Ew çi bişkoj in, telîsm in, ew çi kanîne zelal
Ew çi bala û kezî ne, ew çi bisk in cûte mar
Ew çi gulzara rezî ne, ew çi misk e, reş û tar
Ew çi zozan e, çi şîn e, sêvesor in lê diyar
Ew çi şorab in, çi tît in, ew çi bîstan e, bihar
Ew çi remz û havrî ne, ew çi naz in çi delal
Ew çi bax e, ew çi rax e, ew çi nifş e? Arî ye
Aya ew xewn e dibînim yan dirist û rastî ye
Ez dirist im neku mest im, bê guman hişyarî ye
Ez kiçe Kurdek dibînim, pir çek û mirwarî ye
Min gewah destûrê Kurd e, xwînşirîn e bê heval
Kofî kêl e, bisk bi têl e, ew çi pêl e, Kurdî ye
Xan û man e, nav ciwan e, Kurd nîşan e, cindî ye
Bi genc û hat e, xoş wilat e, xoş nejad e, safî ye
Kurdistana nav ciwan e, min xezel pê gotiye
Aşiq im bo wê delalê ser vî emrê pîr û kal!
Koroya Nemiran • M. Zahir Kayan
Koroya nemiran ji miriyan çêbûbû. Cihên ku lê sewtên
rizgarhez bilindikirin, ew der dilê bindestan bû ji bin
ve, ango koroya nemiran di dilê bindestan de hatibû
ava kirin. Ev koro li pey miriyên rizgariyê
afirandineke dîlgirtiyan bû. Li welatê xeybê her mirin
dibû kilamek, her kUştin bi hezar sewtên dilevdai
dixemilî û li pey wan çûyiyan dibû
Derwêşkarî • Mela Xelîlê Mişextî
Ger te mal û pez nebin kovan çi ye
Yan te bax û rez nebîtin tan çi ye
Yan te nan û sifre nîne xan çi ye
Şibtî bay dunya dibûrît jan çi ye
Roj û şev bo kes nemane qamekê
Dê giriftar kin hezaran bi davekê
Her kesek dê bîte dîlê çamekê
Xoş bîtin yanî nexoş raman çi ye
Ger tu sax û ketxuda bî, tendurist
Yan belengaz û geda bî bê helist
Yan jî şay heft kîşwera bî, ey bira
Tubekê cangî dibey, saman çi ye
Ger tu jar î, derdemend î, lê nenêr
Ketxuda û dewlemend î lê nenêr
Ew dinê karwansera ye û karwan
Carî tênê û bar dikin, fîxan çi ye
Sed bira û kur hebin, tu her tu yî
Zêr û gewher te hebin, tu her tu yî
Bo te ye, tayek kefen, tu her tu yî
Nan genim bît yan ceh û zîwan çi ye!
*Çavkanî: Besam Mistefa, "Mela Xelîlê Mişextî: Serpêhatiya Pênûs û Jiyanekê"Kitabı okudu