"Sonra gözləri dolmuş halda dedi ki, Asif, Xocalı əldən gedəndən sonra mən yaşaya bilməyəcəyəm. Elə biləcəyəm ki, namusumu satmışam, kişiliyimi satmışam. Elə burda ölmək mənimçün daha şərəflidir."
Sabahınız xeyr dostlar. Fevral ayının son günündə hamınıza bol enerji arzu edirəm. Sizlərə bu səfər mənəvi yükü ağır olan daha bir kitabla gəlmişəm. Xocalı yolunda ölümə gedən Azərbaycanın Milli Qəhrəmanlarından Əlif Hacıyevin həyatından bəhs edən "Qanlı Ləçəklər" əsərini də bitirdim. Sevimli yazıçımız Varis Yolçuyevin Əlif Hacıyev və Qalina xanımın məhəbbət macərasını öyrənmək və kiçik məqalə şəklində yayımlamaq məqsədilə çıxdığı yolun sonu yazıçını Azərbayan xalqının ən böyük faciələrindən birinə, 26.02.1992-ci ildə yaşanan Xocalı faciəsinə aparır. "Milli Qəhrəman" Əlif Hacıyevin məhəbbət macərası, bir gecədə qəhrəmanlıq dastanına çevrilir.
Kitab haqqında uzun danışıb spoi vermək istəmirəm. Hamınıza uğurlar və xoş oxumalar diləyirəm.
