Rövşən Abdullaoğlunun “Relslər üzərinə uzanmış adam” (10/10) kitabı haqqında danışacam. Həyatına son vermək istəyən iki gəncin təsadüfən qarşılaşmasından bəhs edir. Bir neçə dəfə intihara cəhd etmiş Ted (Dorian) son cəhdində Faruqla qarşılaşır. İkisinində acınacaqlı və dözülməz həyat hekayəsi var. Könül istər bol-bol yazım,amma oxumayanlar üçün spoiler vermək istəmirəm. Kitabda bir çox mövzulara yer verilib. Din, intihar, sevgi, müharibə, sədaqətsizlik və s. 1985-ci il, Kanada, Nyu-Brunsvik əyaləti, Sent Jon
Şəhəri..Dorian, Ted, Abigeyl (ana) və zəif xarakterli Cekob (ata). Ailədə baş verən itki və dağılan ailəni görəcəksiniz.
Bosniyalı, müsəlman gənc Əmin və sonra Adirana ilə tanışlıqları. Daha sonra yaşadıqları gözəl günlər, sevgiləri və sonra isə başlarına gələn çətin, dözülməz həyatdan bəhs edilir. Bosniyada baş verən müharibə və müharibə zamanı günahsız insanların yaşadığı hadisələrədə yer verib. Müharibə zamanı Əmin və Adriananın sevgisi, sədaqətləri, yaşadıqları mənə çox təsir etdi. Adriananın və eyni zamanda qadınların başına gələn hadisələr.. insana çox pis təsir edir və göz yaşlarınızı saxlaya bilməyəcəksiniz. Və düzünü desəm mənə ən çox təsir edən hissələr həmin hissələrdir. Eyni zamanda oxuduqca Xocalı soyqrımını xatırladım. Daha sonra isə hekayənin davamı olaraq Faruqun yaşadıqları haqqında danışılır. Ümumi olaraq kitab çox gözəl, duyğusal bir kitabdır. Mən sevərək oxudum. Hər kəsə tövsiyyə edirəm. Bu arada müasir Azərbaycan ədəbiyyatına olan ön yargımı yox elədi