Hawar Tornêcengi nê kitabê xo de şîîrê ke hetê hunermendanê cîya-cîyayan ra ameyê bestekerdene nuştê. Babetê şîîranê ey kede, xerîbîye, welat, koçkerdiş, bêrî, tarîx, azadîye, waştîye, heskerdiş ê. Şîîrê ke maya xo rê kerdê dîyarî zaf weş bîyê.
Ez bi xo mîyanê edebîyatê kirdkî de nê kitabî zaf girîng vînena. Kitabanê şîîran mîyan de kitabêko zaf erjîyaye yo. Eke şima bieşkî biwanî, şima do ci ra tahm bigîrî. Ez hêvî kena ke edebîyatê kirdkî hetê kitabanê şîîran ra wayîrê kitabanê winasîyan bibo. Zerrîya şaîrî weş bo.