Seçilmiş Eserleri
Anar Rzayevundefined Seçilmiş Eserleri Sözleri ve Alıntıları
undefined Seçilmiş Eserleri sözleri ve alıntılarını, undefined Seçilmiş Eserleri kitap alıntılarını, etkileyici sözleri 1000Kitap'ta bulabilirsiniz.
...hər şeydə bir məna olsaydı, həyatın bir mənası olmazdı.
..insanın öz daxili əxlaqı olmalıdır və əgər bu əxlaq varsa, insan öz daxili əxlaqına sadiqdirsə, bütün başqa zahiri şeylərin əhəmiyyəti yoxdur.
Sayfa 199Kitabı okudu
Hisslərin yaşı, tarixi yoxdur, insanlar həmişə, hər yerdə eyni cür duyublar, eyni duyğuları keçiriblər - məhəbbət, qısqanclıq, ağrı, sevinc, güman, nisgil, ümid, həsrət duyğuları - və eyni cür nəticələrə də gəliblər: ağrıyla-acıyla "səndən mənə yar olmaz" qərarını veriblər və bu qərarın özündə şıltaq bir yalan, tərs bir işvə var, necə yəni səndən mənə yar olmaz, səndən başqa da mənim, ya da məndən başqa da sənin yarın ola bilərmi, mümkündürmü bu, əlbəttə, yox, əlbəttə, biz bir birimiz üçün yaranmışıq, kim bizi ayıra bilər, əlbəttə, əlbəttə biz bir- birimizinik, əlbəttə, "səndən mənə yar olmaz"
Sayfa 247Kitabı okudu
Deyirlər, kişini bir qadının dərdindən yalnız başqa bir qadın qurtara bilər.
Sayfa 250Kitabı okudu
..gör bir nə qədər sadədir və gözəldir: "Küçələrə su səpmişəm, yar gələndə toz olmasın" gör necə sevərlərmiş bir vaxtlar, Zaurik, indi gör necə sevirlər. Məsələn, sən mən keçən küçələrə heç su səpərsənmi, toz olmasın deyə?
Sayfa 246Kitabı okudu
Vaxt cədvəli, adamların yatıb-durma məqamları bütün dünyada təqribən eyni cürdür və cədvəlin hökmü insanların icad etdikləri, maşınların, mexanizmlərin, alətlərin səsləriylə bərbər təbiəti möhtəşəm xilqəti - okeanın da səsini qısmışdı elə bil!
Sayfa 143Kitabı okudu
...bax əsil məhəbbət bu olardı - məişətin, gündəlik həyatın hər cür xırda-para qayğılarından, əzab-əziyyətlərindən, çirkindən, hisindən-pasından keçib, əvvəlki çılğınlıqda qalan məhəbbət doğruçu məhəbbətdir, yoxsa ki, elə-belə "quru-quru qurbanın olumun" nə qiyməti var?
Sayfa 243Kitabı okudu
Eh, siz kişilər heç nə başa düşmürsüz bu dünyada, - dedi. Başa düşmürsüz ki, gözəl qadın da milli dəyərdir, nadir ağaclar kimi, faydalı qazıntılar kimi, tarixi abidələr kimi...
Sayfa 210 - Beşmərtəbəli evin altıncı mərtəbəsiKitabı okudu
...sən kirpiklərini qaldıranda elə bil bəşəriyyət tarixində yeni bir səhifə açılır...
Sayfa 148 - Beşmərtəbəli evin altıncı mərtəbəsiKitabı okudu
Yəqin insanlar ölərkən birdəfəlik ölmürlər, tamam yox olmurlar, nə qədər ki, onları xatırlayan, onların səslərini, sifətlərini yaddaşında saxlayan adamlar durur, bu ölənlər də hələ yaşayırlar - fikirlərdə, xəyallarda, təsəvvürlərdə yaşayırlar.
Sayfa 319Kitabı okudu
Bu nə sirdir, sirri-eşqin demədən bir kimsəyə,
Şəhrə düşmüş mən səni sevdim deyən avazələr.
Təhminə və ZaurKitabı okudu
Xoşbəxtlik, ya bədbəxtlik insanın öz içindədir, onları yük kimi özünlə daşıyırsan belədən - belə, hara gedirsən get, lap dünyanın o başına; bu etibarlı yükdür - hara gedirsən get - nə itəcək, nə batacaq, nə azalacaq, nə artacaq...
Sayfa 149 - Beşmərtəbəli evin altıncı mərtəbəsiKitabı okudu
Məhəbbət - iki nəfərin şəxsi işidir, deyirlər ki, üçüncü artıqdır, amma bəzən məhz bu üçüncü gərək olur iki sevənə - səadətlərinin şahidi kimi. Bu şahid güzgü kimi lazımdır onlara - güzgüyə baxıb öz xoşbəxtliklərini görmək üçün
Sayfa 239Kitabı okudu
Qədim bir əfsanəni xatırladı. Deyir, qoca bir səyyah gəlib qürbət ölkəyə çıxır. Qəbiristanlığa gedir. Görür qəbirlərin üstündə adamların yaşları yazılıb. Hamısı da bir yaş, iki yaş, çoxu beş yaş. Özü kimi pirano bir kişiyə rast gəlib soruşur ki, bəs bu nə olan işdir? Sizin camaat hamısı yəni körpə yaşında tələf olub? Qoca deyir ki, xeyir a, məsələ başqadır, məsələ ondadır ki, biz burda həmin bu adamların xoşbəxt yaşadıqları vaxtı yazmışıq. Qalan günlərini, illərini ömürdən saymırıq. Onda səyyah da deyir ki, bəs mənim də ömrümün axırına az qalıb, bu gün sabah öləcəm, vəsiyyət eləyirəm ki, məni də elə burda basdırın, qəbrimin üstündə də yazın ki, bəs bu adam elə anadan ölü doğulub.
Sayfa 98Kitabı okudu
Aşiq olan insan eqoistləşir, ona elə gəlir ki, keçirdiyi xoşbəxtlik, səadət dəmləri başqalarına da yoluxa bilər. Halbuki başqasının sevinci insanı çox nadir hallarda eyni dərəcədə sevindirə bilər, əksərən, hər bir insan başqasının sevincinə biganə qalır, bəzən hətta, qısqanır, ya həsəd çəkir bu özgə sevincinə.
Sayfa 238Kitabı okudu