Seçilmiş Əsərləri yorumları ve incelemelerini, Seçilmiş Əsərləri kitabı hakkındaki okur görüşlerini , Seçilmiş Əsərləri puanlarını 1000Kitap'ta bulabilirsiniz.
Qızarmış arizinə tər əcəb gözəl yaraşır,
Nə yaxşl görsənir, ey gül, gül üzrə Jalə kimi!
Həvayi-eşq ilə guya ki, bir şikəstə neyəm
Sızıldar bədənim hər nəfəsdə nalə kimi.
Demə Məcnuna dəli, bəlkə də Leyla dəlidir,
Eşq olan yerdə bütün aqilü-dana dəlidir.
Saldı Yusif kimi öz sevgilisin zindanə
Qoydu rüsvalığı aləmdə Züleyxa dəlidir.
Eşq zəncirinin iftadəsi bir mən deyiləm,
Həvəsi-silsileyi-eşq ilə dünya dəlidir.
Sarılır çiyninə, gah boynuna, gah qamətinə,
Əjdahalar kimi ol zülfi-çəlipa dəlidir.
Bir vəfasız gül üçün naləsi dünyanı tutub,
Aşiqin qəlbi kimi bülbüli şeyda dəlidir.
Bircə Şirin ilə Fərhadə məzəmmət yoxdur,
Vadiyi-eşqdə Vamiq dəli, Əzra dəlidir.
Əl götürməz bu qara gözlülərin zülfündən,
Hər yetən zənn eləyər Vahidi guya dəlidir