Mənim şüurum darmadağın olub - bu, daha yaxşıdı. O, başqa şüurlara daxil olub. Məni oxuyurlar, nəzərlər mənə dikilib, məndən sitat gətirirlər, mən hamının dilində ağzında dolaşıram, mən - ümumi təkrarolunmaz diləm; mən milyonların baxışlarındakı diqqətlə işıq saçıram; məni sevə biləcək insanlar üçün heç yerdə mövcud deyiləm, nəhayət mən varam! Mən hər yerdəyəm; mən bəşəriyyətdə havayı yaşayıram, mənim xeyirxah əməllərim arasıkəsilmədən məni yoxluqdan yaratmağa məcbur eləyib, onun cisminə girir.
Mədəniyyət heç bir şeyi və kimsəni xilas eləmir, heç haqq da qazandırmır. Amma mədəniyyət - insanın yaratdığı şeydi; o, özünü mədəniyyətdə əks etdirir, özünü onda tanıyır; yalnız həmin tənqidi güzgüdə öz simasını görür.