Əsərləri
Aşıq Ələsgərundefined Əsərləri Sözleri ve Alıntıları
undefined Əsərləri sözleri ve alıntılarını, undefined Əsərləri kitap alıntılarını, etkileyici sözleri 1000Kitap'ta bulabilirsiniz.
Ay ariflər, gəlin sizə söyləyim,
Kəsilib üstümdən yar nişanası.
Dost uzaq olmaqla könül yad olmaz,
Ölüncə qəlbimdə var nişanası...
Oğrun-oğrun daldalardan baxırsan,
Alırsan cəsəddən canı, sevdiyim!
Müjganların sinəm üstə çaxırsan!
Tökürsən bədəndən qanı, sevgilim!
Dolandım dünyanı, gəzdim baş-başa,
Sənin kimi gözəl görmədim haşa,
Qərq oldum dəryaya, düşdüm ataşa,
Od alıb əndamım yanı, sevdiyim!
Haçan doymaq olar belə bir yardan?
Buxağı büllurdan, sinəsi qardan.
Kəsmə iltifatın, salma nəzərdən,
Ələsgər tək binəvanı, sevdiyim!
Xudam səni nə xoş gündə yaradıb,
Meylim axır sənə sarı, görəndə.
Həsrətindən yüz yara var sinəmdə,
İnsaf elə, birin sarı, görəndə.
Gövhərdən bahalı üzündə xalı...
Göz baxanda, könül doymur zalımdan,
İstəyirsən məni qına, gözəldi.
Yazıq Ələsgərə çoxdu zavalın,
Aparır ağlımı günəş camalın.
Nə göyçək görünür üzündə xalın,
Gülgəz zənəxdanın xala yaraşır.
İsmin üç hərifdi, ay çeşmi-xumar,
Biri "mim"di, biri "nun"du, biri "sin".
Həsrətindən yüz min gizlin dərdim var,
Kimsəm yoxdu, açam deyəm birisin.
Siyah zülfün nə tökübsən yana sən?!
Ya hurisən, ya pərisən, ya nəsən?
Demədim ki, eşq oduna yanasan,
Mən dedim ki, dur qıraqdan bir isin.
Əl uzaq, qəlbim yaxın,
Bələdəm hər bir halına;
Görcəyim valeh oldum
Həbəşi xəttü xalına.
Tellərin.
Ay qız, sənin nə vədəndi,
Kəsilib qısa tellərin?
Kəlağayı əlvan, qiyqacı,
Üstündən basa tellərin.
Yanaqların güldü, solmaz,
Oxladın, yaram sağalmaz.
Qaşın cəllad, gözün almaz,
Bağrımı kəsə tellərin.
Bağban ağlar bar ucundan,
Xəstə ölər nar ucundan.
Ələsgərtək yar ucundan
Batıbdı yasa tellərin.
DÖNÜBDÜ
Fələyin qǝhrindən, el töhmətindən
Dərdim artıb, bir ümmana dönübdü.
Dostun firqətindən, yar həsrətindən
Bahar mana zimistana dönübdü.
Eşqin girdabında düşmüşəm ləngə,
Torbakeşlər tənə qılır peşəngə,
Gürbə şirə dönüb, muşlar pələngə,
Bəqə qızıb, kərgədana dönübdü.
Arif, bu sözləri fikr eylə dərin,
Artırma dərdini sən Ələsgərin.
Qiblənüma məhəbbətli dilbərin
Meyli bizdən qeyri yana dönübdü.
Sayfa 42
Ay nazənin, dərdin mənim canımı
Az qalıb incəldə, ay üzə, üzə.
Alıbsan əlimdən din-imanımı,
Müştaq eyləyibsən ay üzə, üzə.
Yar, məskənim astanamı, dərdimi?
Kamil bağban gülü bağdan dərdimi?
A bimürvət, dərdin mənim dərdimi
Artırıb, yetirib a yüzə, yüzə.
İstər dara çəkdir, istər qul eylə,
Qoymuşam əmrinə qol, incimərəm.
Həsrətindən Məcnun oldum səhrada,
Alırsan canımı al, incimərəm.
Gəl, ey mehri-məhəbbətim,
Üzün məndən niyə döndü?
Bir qönçə bitəydim dostun bağında,
Dilimlə deyəydim yara: dər məni!
Tutmuşam dəstində gözəl nizamı,
Firdovsi, Füzuli, gözəl Nizamı.
Təqdiri-qüdrətin gözəl nizamı,
Mənə dərdi verib, yara dərməni.
Halal qaşın bənzətmərəm dər yaya,
Yazıq Ələsgər, dastan elə, dər yaya.
İstəsə, kül eylər, qatar dəryaya,
Yaratsa, təzədən yaradar məni.
Eşidin, məclisdə arif olanlar,
Sərrafam, gövhərim, kanım gedibdi.
Ah çəkibən, yar yoluna baxmaqdan,
Yəqin bilin, yarı canım gedibdi.
Nazik barmaqlıdı, şümşad əllidi,
Ayna qabaqlıdı, siyah tellidi,
Şəkər söhbətlidi, şirin dillidi,
Tuti kimi xoş zəbanım gedibdi.