Əsərləri I.Cild sözleri ve alıntılarını, Əsərləri I.Cild kitap alıntılarını, Əsərləri I.Cild en etkileyici cümleleri ve paragragları 1000Kitap'ta bulabilirsiniz.
Bir çiçək ki, duyğuları oqşayaraq gülümsər,
Xülyalara nəş'ə səpər, gönüllərə nur saçar.
Yazıq! Onu öncə kəndi əllərimiz qəhr edər,
Sonra şaşqın vicdanımız bir heçliyi salamlar.
Bir quşcuğaz şimdi ötər güldən-gülə uyarkən
Xain avcı bir anda susdurur o şaqraq səsi.
Sonra acır al damlalar əllərini boyarkən,
Əfsus o bitmiş, duyulmaz gönül açan nəğməsi.
Gönül var ki, vulkan kibi alev saçar hər yana,
Haq söyləyən ilhamları ölmüşlərə can verir.
Düşünmədən söndürüb də matəm tutarlar ona,
Yalnız savrulmuş külləri məzarlara şan verir.
Görmədim əsla dikənsiz gül, qaranlıqsız işıq,
Hər visalı daima təqib edər bir ayrılıq.
Söylüyorlar: "Daimi zevqi-səadət var", yazıq!
Seyr edib boş iddiadan başqa bir şey görmədim.