Şükriyyə Taleyim
Ülviyyə TahirYorumlar ve İncelemeler
1 ildən çox idi ki, bu kitabı oxumaq istəyirdim. Sonluğunda ağladığım kitablardan biri oldu. Əhməd Cavadın xanımı Şükriyyənin ALJİR-də başına gələnləri bu qədər təsəvvür etmirdim. Onun timsalında repressiya qurbanlarının nə yaşadıqlarını da öyrənmək mümkündür. Cümhuriyyətimizin qurulması, Azərbaycanın görkəmli mütəfəkkirlərinin birgə dialoqları insana qəribə hissləri bəxş edirdi.
Çox ağrılı və dəhşətlidir. Bilmirsən ki, günahsız olmalarına, ya yarımçıq qalan həyatlarına üzüləsən. O illər necə də dəhşətli olub. Necə qıya biliblər ziyalılarımıza. Üstəlik bunu edən həmyerlilərimiz idi. Əhməd Cavadın və onun qələm yoldaşlarının xalqı oyatmaq üçün çabaları axırda özlərini kül etdi. Lakin heç birimiz o əməlləri, o qurbanları unutmadıq.
Şükriyyə Taleyim
Ülviyyə Tahir
Şükriyyə Taleyim
Roman,bioqrafiya və tarix bu üç aspektdən yanaşmaq istərdim.Kitabı oxumamışdan öncə Əhməd Cavad və Şükriyyə xanımın qısa şəkildə də olsa həyatına göz gəzdirməyinizi tövsiyyə edirəm.
Bu kitabı nə üçün oxumalıyam ?
Hər bir kəs öz tarixini bilməlidir.Kitab da özündə bir çox tarixi həqiqətləri ehtiva edir.Müstəqilliyin qazanılmasında baş rolu olan şəxsiyyətlər,onların xalq üçün necə can yandırdığı əks olunub.Xəyanət edənləri isə aiki qrupa ayırardım(şəxsi fikrimdir).1)Pul qarşılığında xəyanət edən 2)Ölkənin süqutundan sonra vəzifəsini itirməmək və həbsdən canını qurtarmaq üçün xəyanət edənlər.Məsələnin kökündə zehniyyət durur.Yəni,düşüncədə nələrsə vətəndən öncə gəlir.Beləliklə asan şəkildə vətəni,azadlığı "digər" şeylərə dəyişdilər.Cəmiyyət isə öz həyatını xalq üçün qurban verənləri asan şəkildə "vətən xaini" kimi qəbul elədi.
Kitab Əhməd Cavadın həyatını bir roman üçün kifayət qədər əhatə edir.Kitabı bitirdikdən sonra Şükriyyə xanımı xatırladıqda,şərtsiz olaraq insan "ürək yanğısı" keçirir.Məncə bu, Ülviyyə xanımın naaliyyətidir.
Bir əsr keçməyinə baxmayaq,hadisələrin bir-birilə vəhdəti mükəmməl şəkildə əks olunub.
Xoş mütaliələr!Kitabla qalın!
Ülviyyə Tahir Şükriyyə Taleyim
Qadınlar düşünün, bir günün içərisində əzizlərinə "xalq düşməni" adı verilmiş, işgəncələrə sürgünlərə məruz qalan ziyalı qadınlar, analar. Onların içərisində Əhməd Cavadın həyat yoldaşı Şükriyyə xanım, Fətəli xan Xoyskinin qızı Tamara xanım, Quba Qızlar Seminariyasının rəhbəri Sənubər Eyyubova, Ceyran Bayramova, Ayna Sultanova və onlarla digər ziyalı qadın...Oxuyarkən sanki o dövrdə, o ziyalılarla, o şairlərlə, o maarifçilərlə, AXC-ni yaratmış o dahi insanlarla qarşılıqlı söhbət etmiş, bir süfrəni paylaşmış kimi hiss etdim. Haqqında filmlər çəkiləsi, dünya dillərinə tərcümə olunası, dərsliklərə salınası bir əsərdir.
Şükriyyə Taleyim Ülviyyə Tahir
