1K tətbiqini istifadə etməyə başladığım vaxtdan qarşıma ən çox çıxan və adını, kitablarını görməkdən bezdiyim bir yazıçı idi Yaşar Kemal(düşünürəm də Ahmet Batmanın bütün kitablarını oxuyan biri olaraq nə qədər də çox haqsızlıq etmişəm yazıçıya:d). Ta ki, atamdan " "İncə Məmməd" kitabını oxumuşam, çox gözəl kitab idi" sözlərini eşidənə qədər. Bu sözlərdən sonra Yaşar Kemal və kitabları ilə maraqlanmağa başladım. Öyrəndim ki, yazıçı demək olar bütün kitablarını dastanlar, əfsanələr, rəvayətlər əsasında yazıb. Və bu da ayrı bir maraq oyatdı məndə.
İlk olaraq "Üç Anadolu Efsanesi" kitabını oxudum. Bu kitabda yazıçı Koroğlu dastanı, Karacaoğlan və Alageyik əfsanələrini özünə xas nəqletmə tərzi ilə qələmə almışdır. Və mən bu nəqletmə tərzini, yazı üslubunu ifadə edə bilməyəcəyim qədər çox sevdim. O qədər axıcı və gözəl yazıb, elə şirin dillə nəql edib ki... Oxumursan, sanki, yaşayırsan kitabı. Oxuduqca keçmiş Anadolu bütün xətləri, adət-ənənələri ilə qarşında canlanır...
Heyran oldum Yaşar Kemal qələminə. Kitablarımın arasında artıq özünəməxsus bir yeri olacaq...
"Yeter ki insanın içinde iyilik olsun, onun erişemeyeceği hiçbir yücelik yoktur. İnsan, gönlü kadar büyüktür..."
Kitabla qalın...♡
