At artıq altı yaşında böyüyür. Fil on yaşında böyüyür. İnsan isə heç on üç yaşında cinsi yetkinliyə çatmır. Tam yetkinliyə iyirmi yaşında çatır. Buradan aydındır ki, insan ağlı gec inkişaf edən məhsuldur.
- Çünki bizim dünyamız artıq "Otello"nun dünyası deyil. "Ford"lara polad lazım olduğu kimi faciə üçün də qeyri-stabil sosial mühit lazımdır. İndi isə dünya stabil və dayanıqlıdır. İnsanlar xoşbəxtdirlər, onlar bütün istədiklərini alırlar və ala bilmədiklərini istəmirlər. Onlar firavan və təhlükəsizlikdə yaşayırlar, xəstələnmirlər, ölməkdən qorxmurlar, ehtiras və qocalıq haqqında təsəvvürləri belə yoxdur, ata və analar həyatlarına müdaxilə etmirlər, onların nə arvadı, nə uşaqları, nə sevgi, məhəbbətləri var. Məhz bu baxımdan həyəcan və iztirab keçirmirlər. Elə formalaşıblar ki, praktiki olaraq onlar üçün nəzərdə tutulan çərçivədən çıxmaq iqtidarında deyillər. Əgər bir xəta yaranarsa, buyurun, soma köməyinizə çatar. Sizsə onu azadlıq naminə pəncərədən atırsınız, cənab Vəhşi. Azadlıq! - Mustafa güldü...
Sayfa 246 - Bakı, Qanun Nəşriyyatı, 2022, 288 səh.Kitabı okudu