a
Ansîklopediya Kurdistanê
0 üyeTakip
Ax ku ya te be zimanê te jî di her warî de pêş dikeve
Zimanê Kurdî jî wekî zimanê Farisî zimanê şa'iran e. Ji ber ku nest nivîsandin di kevin de gelek kêm bûye, lê şair gelek bûne û heta niha jî gelek in. Mezintirîn şairên Kurd ev in: Baba Tahir (935-1010): bi lehçeya lorî şî'ir nivîsandiye û navdengiya rûba'iyên wî li derveyî Kurdistanê jî belav bûye. Melayê Cizîrî, şairekî mezin é sedsala 12'an ne. Mezintirîn şairê edebiyata neteweyî Ehmedî Xanî (1650-1706), ku dîwana wî Mem û Zînê, mezintirîn nimûneya ji edebiyata Kurdî ya li ser dema derebegtiyê ye. Mewlewî (1815-1892) şairê herî mezin ê xezelbêjiyê ye, li Kurdistana başûr jiyaye. Koyî (1815- 1892) xelkê ji bo xebata riya azadî û serxwebûniyê han daye.
Em dikarin ji şairên sedsala 20'an Pîremêrd (1867-1950), Ehmed Muxtar Caf (1897-1935) û Bêkes (1905-1948) bihejmê- rin. Îro li Îranê şairên bi nav û deng ên wekî Hejar û Hêmin, li Sûriyê Qedrí Can û li Yekîtiya Sovyetê jî Evdal û Şemon hene.
Qet guman di wê de tune ku 'Ebdullah Goran (sala 1962'yan de li Iraqê koçî dawiyê kir) çi di warê naveroka şî'ir de û çi di hunan- dina awayî nú de ku di şî'îrê de daniye û çi jî di rewanî û Kurdiya bijarti ya şî'ir pê nivîsandiye, gihîştiye serê kupa edebiyata nû û şî'ira Kurdî ji qeyd û benda şî'ira kilasîkî ya Kurdî rizgar kiriye û bi vî awayî asoyeke nû ji bo geşkirina pêşdebirina şî'ira Kurdî vekiriye. Edebiyat û hunera Kurdî piştî şoreşa 1958'an a li Iraqê, bi awaki berçav pêş ketiye û jê tê hêvîkirin ku ne tenê şairên nû peyde bin, belko nivîskarên baş jî derkevin."
