a
Asîmîlatorên Xwecî*
0 üyeTakip
Bişavtina bindestiyê
Bazîdîyên me yên Kurd, ên bajarî jî xwe Kurmanc/Kurd ne dihesibandin, Kurdîya xwe qaîl dibûn, lê ne jî Tirkiya wan Tirkîyekî baş bû... Tirkîyekî şiloşeto, bi rewşek eletewş diaxivin... Ji xwe ra Pilanşî digotin, xwe gelekî kaw û kûbar didî- tin. Heya vê dawîyê jî wek Bazîdîyên me, gelek bajarî, ji wê wêda giregirên Kurdistanê, bin dest û lepê asîmîlasyonê, bin hukme Komara Cumhuriyetê xwe Kurd nehesibandin, ji gundîyên koçer, ji 'Kurmancan' xwe dûr didîtin û ji wan dûr û cuda disekinîn...
Sekans 7
Pir hewl didin
Ji bo dijminê xwe baş û RONÎ bikin
Hemû destan û helbestên xwe,
NASNAME û BÎRNAMEyên xwe,
KOKa xwe dişewitînin,
Dikin çira ji wan re
Lê ne xema wan e
Jixwe çanda wan QURMekî ji tiştekî re nedibû
Ma ne jixwe dijmin jî dixwest koka wan BIQELIHE...
Sekans 6
Hema mirov heqê wan nexwe
Zehf li ber xwe didin
Wekheviyê dixwazin, WEKHEVÎ...
Lê ne ji bo DAD û HEQiyê
Ji bo bibin ji wan
Eyn bibin WEK WAN...
Sekans 5
Li her derê li dijminan digerin
Lê belê nizanin ew bi xwe bûne dijmin:
Dijminê ruhê xwe...
Pir ji ZAROKên xwe hez dikin, PIR...
Ji dêvla HÊLANan
Wan di SÊDARan de kil dikin
Sekans 3
Heta tu bê bes XWEZAparêz in jî
Ji bo kulîlkeke pozbilind a dijminê wan nequrife
ŞITL û DARên ÇANDa xwe gişî ji kokê radikin,
Dikin ço û misas
Û wê kulîlkê diparêzin
Sekans 1
Ji bo xwe bikujin li ber xelkê digerin
Dijminê xwe bi BAVê xwe nadin
Ew kirine xwedayê xwe
KURTaja kurdî
Bi destê xwedî...
QÛLê DIJMINê xwe ti carî AZAD nabe