Dur ayağa! Zəfər çal yorğunluğa, ruh əgər
Qüvvətlisə canında, zəif olsa da bədən
Yenə sənin olacaq hər qələbə, hər zəfər!
Hələ qarşıda vardır çox uzun bir pilləkən;
Sənə layiq deyildir yolundan geri dönmək;
Qoy ruhlansın ürəyin - eşidirsən əgər sən.
Qəmli yuxular görən adam elə bu sayaq
Röyada arzular ki, bunlar yuxu ola kaş,
Yuxunu gerçək ilə salar daim baş-ayaq -
Mən də belə, dualar dodağımda oldu daş;
Dedim görüb duamı məni bağışlar; fəqət
Demə bağışlayıbmış, nahaq imiş bu təlaş.