Gül Şiir
3 member · 1 new postNar Ağacı
Yenə qumlu sahil, yenə sərin bağ,
Yenə axşam düşüb meynəliklərə.
Burda sevgilimlə neçə il qabaq,
Bir nar çubuğunu basdırdıq yerə.
Nar ağacı, nar çiçəyi,
Bir ulduzdu hər çiçəyi.
Seyr etdim ağacın doğma yerini,
Bircə çiçək qalıb, hanı çiçəklər?
Onun qızıl rəngli ləçəklərini,
Ya illər tökmüşdür, ya da küləklər.
Nar ağacı, nar çiçəyi,
Döyüb tufan, qar çiçəyi.
Baxıram, qəlbimdə arzu oyanır,
Uzaq xəyallarım alır qəlbimi.
Sanki ay nurunda ulduzdur yanır,
O son nar çiçəyi ilk eşqim kimi.
Nar ağacı, nar çiçəyi,
Hələ yenə var çiçəyi.
Sayfa 156 - LiderKitabı okudu
Dünyaya günəştək nur yayan insan
Dünyaya günəştək nur yayan insan,
Vaxt olur üfüqdə ulduztək axır.
İlləri min dostla adlayan insan,
Ölümlə döyüşə təkbətək çıxır.
Bu gözlə görünməz sirli döyüşdü
İnsan bu döyüşü harda görmüşdü?
İnsan da, ölüm də baxdı, gülüşdü...
Gülüşdən ürǝyǝ bir şübhə düşdü.
Ölüm, bəlkə ölmək dəhşət deyildir.
Gəlmişik... gedirik... bu ki, bir haqdır.
Torpağa gömülmək dəhşət deyildir.
Dəhşət diri-diri ölü olmaqdır!
Elə ki, can aldın, məgər ucaldın?
Yeridin şaxtayla, əsdin küləklə...
Ölüm, elə bildin qələbə çaldın,
Ölüm, öləcəksən ölümsüzlüklə!..
Yox! Necə? Ölüm də ölə bilərmi?
Bəlkə bir üşütmə düşdü canına?..
Nəsə fikirləşdi o qəmli-qəmli,
Əyri qılıncını qoydu qınına!
Sayfa 123 - LiderKitabı okudu
Gəl, - demək istəyir, gəl, - deyə bilmir,
Əllər dediyini dil deyə bilmir.
Sayfa 42 - LiderKitabı okudu