g
Gül Şiir
2 memberBayatılar
Ay qız, mənim payımsan,
Göy yüzündə Ayımsan!
Mən səni çox istirəm,
Yaxşı mənim tayımsan!
Dağlar dağlara baxar,
Atəşin bəni yaxar.
Həlbət bir gün gələcək,
Sayfa 258 - Qanun nəşriyyatıKitabı okudu
Yalan deyil
Bir gül dərdim yar bağından
Gül saralıb solan deyil
Çox sevənlər görüb dünya
Sənə mənə qalan deyil.
Oyna sevdiciyim oyna
Qəm qüssəni yaxın qoyma
Doğransamda qıyma-qıyma
Könül səndən dönən deyil.
Yaşayırıq ömür təzə
Baxmaram bir özgəsinə
And içirəm sevgimizə
Bu məhəbbət yalan deyil.
Öz haqqındır sən öyünsən
Mən yer oğlu , sən göyünsən
Könlüm bilir ərköyünsən
Her sözünə sınan deyil....
© Fəxrəddin Ziya
Dərdin ortasında tər tökən yetim,
Mən sevincin bucağıyam, bucağı.
Doğmaların hər halına yanan mən
Bu dünyanın ocağıyam, ocağı.
Mən yandıqca gözlər çıxdı tüstümə,
Doğmalarım qızınırdı istimə.
Heç kim "can"la yüyürmədi üstümə,
Öz dərdimin dayağıyam, dayağı.
Mən öləndə gəlmisənmi,ay adam?
Öz qəmimə təzə deyil,boyatam.
Nə qohumam,nə qonşuyam,nə yadam,
Mən hamının uzağıyam, uzağı.
Dərd dağımı bürüyübdür çən,duman,
Dost-tanışdan nə küsənəm,nə uman.
Bu gün keçib,sabaha da nagüman,
Mən dünyanın qonağıyam, qonağı.
Nadir,daha bağça olsa hər yanın,
Dərdi tapıb cavan yaşda sağ canın.
Həsrətinə canı yanan, dünyanın
Ən dözümlü uşağıyam, uşağı.
© Nadir Məmməd
Bu həyatdır, var qəmi,
Hər qəmin ayrı dəmi.
Bu dünya dərdli zəmi,
Dənə dönür adamlar.
Məlum özümə sirrim,
Döyünür yara qəlbim.
Hara getsək də, Rəbbim,
Sənə dönür adamlar.
© Nadir Məmməd
Qızıma
Dinlə sözlərimi, yaxşı qulaq as
İnsan bu dünyada qonaqdır, qızım.
Şan-şöhrət, var-dövlət, bəzək-düzəklər
Bu gün var, sabah yox, sınaqdır, qızım.
Ətrafa boylanıb bir göz gəzdirsən,
Nə qədər hikmətlər, sirlər görərsən.
Toxum səp, meyvəsin mütləq dərərsən
Zəhmətin bəhrəsi dadlıdır, qızım.
Sadə ol, sadəlik ucaldar səni,
Gözəl duyğularla bəslə