Leman Mustafazadeh
@lemanmstf
Human Resources Management
Azerbaijan Technical University
Bakı
Azərbaycan, 2 Mayıs
37 okur puanı
Şubat 2023 tarihinde katıldı
Şu anda okuduğu kitaplar
Guillaume Musso bu kitabında əgər zamanda geriyə gedib kiçik bir dəyişiklik etmək istəsək, həmin dəyişikliyin ağlımızın ucundan belə keçməyəcək hadisələrə səbəbiyyət verməsini aydın və oxunaqlı bir dillə oxucularına izah etmişdir. Kəpənək effekti, paralel kainatlar, zamanda səyahət kimi mövzulara maraq göstərirsinizsə, kitabı oxumanızı tövsiyyə edirəm.
Kitab 60 yaşında Eliotun kambocalı bir kişinin ona 10 ədəd zamana səyahət həbbi təqdim etməsilə başlayır. Eliot buna çox sevinir və zamanda səyahət etmək qərarına gəlir. 30 il öncə sevdiyi qadını itirmişdi və bu itki onun qəlbində peşmanlıq hissini 30 il daşımasına səbəb olmuşdur. Lakin hadisələr Eliotun gözlədiyi kimi cərəyan etmir. O bu hadisənin qarşısını almağa nail olmaq fikrindəydisə, onu qarşıda çox böyük bədəllər gözləyirdi. (ardını oxumaq qərarına gələn oxucular üçün bölüşmürəm, spoiler olmasınn)
Kitabın məndə yaratdığı hiss çox qəribədir. Kitaba necə başlayıb, onu necə bitirdiyimi özüm də bilmədim. Bircə ondan əminəm ki, o həbblər məndə olsaydı, yəqin ki bu kitabı oxumamış biri olaraq onlardan istifadə edib, nələrisə dəyişməyə çalışardım. İndi isə kitabı oxumuş biri olaraq o həbbləri ümumiyyətlə götürməzdim. Əlbəttə, mən paralel həyatlarımız olduğu reallığını danmıram. Mənə elə gəlir ki, başqa bir kainatda hamımızın fərqli həyat tərzləri var. Amma indinin gücü və hal-hazırda sahib olduqlarımızla 5-10 il ərzində ,bəlkə də, çox şeyi dəyişəcəyik.
Xoş mütaliələr <3
Reklam
"Sizi Tekrar Görmek" kitabı "Bəlkə də bu həqiqətdir" kitabının davamıdır. Kitabın ilk hissəsini bir il öncə oxumuşdum və kitabın natamam sonluqla yazıldığını düşünüb
Deməli olduqlarımız haqqında1000Kitap
Kitab valideynlərimiz və bizə yaxın olan insanlarla bölüşmədiyimiz, onlara özəl olan sözləri vaxtımız varkən deməmiz üçün bizi təşviq edir. Xüsusilə, valideyn-övlad münasibətləri ön plandadır.
Oxuyanda neçə dəfə ağladığımı heç özüm də bilmədim. Düzdür, ata obrazını canlandıran Entoni Uolşun hərəkətləri oxucu olaraq başlarda xoşuma gəlməmiş ola bilər, amma bəlkə də, bu obraz olmasaydı, mən kitabı hər oxuyanda Tomasla Culiyanın qovuşma anını beynimdə canlandıra bilməz və həyəcanlanmazdım da. Bəlkə də, bəzi şeylər çətinliklə əldə edildiyi təqdirdə qədri bilinən və dəyərli olur.
Kitabda Entoninin həyat yoldaşına olan sevgisi və onun bu həyat qatarında keçdiyi yollar, üzləşdiyi çətinliklər də öz əksini tapıb.
Oxuyun, mən bir az gec oxudum, amma vaxtınlz varkən oxuyun)) Xoş mütaliələr <3
Qaraqan bu kitabıyla "Bir milyon dollarımız olsaydı nə olardı? " sualına verilə biləcək ən yaxşı cavabı verib. Kitabdakı əsas ideya odur ki, insan layiq olduğunu düşündüyü qədərinə sahib ola bilər. Kitaba başlayanda ədalətli bir sonluq axtarışındaydım. İndi isə başa düşdüyüm odur ki, ədalət ,ümumiyyətlə, yoxdur. Ədalət insanın layiq olduğunu düşündüyü şeydir. Ya da elə hesab edilir.. Obrazlar real olmasa da, hamımızın içində böyüdüyümüz cəmiyyətin, mentaliletin izlərini daşıyan bir Kərəm var. Və ,məncə, o Kərəm hardasa azı 10 il bizim ruhumuzda iz kimi qalaraq, öz yerini uzun müddət qoruyub, saxlayacaq. Ta ki biz gözümüzü açıb, qarşımıza çıxan şanslardan istifadə etməyə və özümüzü başımıza gələn bütün müsbət hadisələrə layiq görməyə başlayana kimi..Əla kitab idi, istər mövzu və ideyası olsun, istərsə də obrazların təsviri, mən hamısını bəyəndim. Xoş mütaliələr <3
"Oxumaq lazımdır" dediklərimdənİnsan ve Duygular
Bir an elə bildim ki, bütün inanclarımda yanılıram. Özümdən şübhələndim, düşüncələrimdən, içimdəki "mən"dən qısa müddətli də olsa uzaqlaşdım. Amma sonda hər şey çox mənalı bitdi. Ən azından mənə görə.. Kitab nə haqqındadır deməyəcəm. Spoiler vermək istəmirəm. Oxumağa dəyər, özündə istər dini, istərsə də tarixi və elmi faktları əks etdirən bir kitab idi. Oxumaq xoş oldu
Reklam