Ləman Musayeva
@lemnnm
Qrafik Dizayner
ADPU
Baku
11 Şubat
103 okur puanı
Haziran 2019 tarihinde katıldı
Səhra Çiçəyi
Düşünün ki, kitab oxuyursunuz və oxuduqlarınızın ağırlığını qaldıra bilmirsiniz
başınız dönür, ürəyiniz bulanır, hiss edirsiniz ki, elə indicə huşunuzu itirəcəksiniz. Bir az qeyri-real səslənsə də kitabın müəyyən bir qismini oxuyarkən ciddi çətinlik çəkdim, bir nöqtədən sonra yuxarıda təsvir etdiyim hallar baş verməyə başladı. Bəlkə də, hadisələrin real oluşu bu qədər təsirlənməyimə səbəb olmuşdu, ya da həssas olduğumuz mövzularda təsirlənməyimiz daha asan olur, əmin deyiləm.
Təxminən 20 səhifəlik qismi çıxsaq kitab əla bir motivasiya qaynağı ola bilər. Varisin həyat yolu, imkansız görünəni mümkün etməsi, mübarizəsi, cəsarəti çox şey öyrədir. Mütləq onunla tanış olmalısınız
Şübhəsiz ki, həyatımıza yön vermək, gələcəyimizi inşa etmək üçün lazım olan ən önəmli şey iradə gücüdür. Adında da bəlli olduğu kimi kitab iradəmizi necə tərbiyə etmək üzərinə yazılıb. Bir neçə bölümdən ibarət kitabın hər bölümündə iradəsizliyə səbəb olan hallar və onların həll etmə yolları izah edilir. Ancaq maddə-maddə yazılmış sıxıcı qaydalar şəklində deyil, tənbəlliyin psixoloji tərəfi, ona səbəb olan hadisələrin izahı ilə birlikdə.
Kitab, xüsusən, yeniyetmələrə yol göstərmək üçün əvəzsizdir. Oxuyarkən "kaş 17-18 yaşımda oxumuş olsa idim" deyə heyfsləndim.
CəhənnəmEdebiyat
Yəqin ki yazarın oxuduğum sonuncu kitabı idi. Dan Brown özünəməxsus yazım tərzi ilə hər zaman bəyəndiyim və başqalarına da tövsiyə etdiyim bir yazardı. Oxuduğum hər kitabına və yazarın zəkasına heyranlıq duyuram. Ancaq Cəhənnəmi oxuyarkən hadisələrin gedişatını artıq təxmin edə bildiyimin fərqinə vardım və sonluq o qədər də məni çəkmirdi. Yəqin elə bu səbəbdən bir neçə dəfə başlayıb yarım qoyduğum bir kitab oldu. Ümumi baxdıqda isə kitab digər kitablarından heç də geri qalmır. Yenə bir neçə yerə səyahət etmiş kimi hiss etdirir. Ən əsası gələcəyimiz haqında düşünməyə vadar edir..
Grafik dizayn sahəsi ilə maraqlananlar üçün ideal başlanğıc ola biləcək kitabdır. Ümumi dizayn anlayışı, tipoqrafikanın dizaynda rolu, şriftlər, onların doğru istifadəsi və s. kimi mövzular haqqında geniş məlumatlar verilir. Kitabda yazıçının verdiyi tövsiyələrə əməl etməklə bu sahədə yaxşı bir yol müyyən etmək olar. Tipoqrafika haqqında bilikləri genişləndirmək üçün yazıçı kitabın sonunda bizə əlavə ədəbiyyat da təqdim edir. Bu sahə ilə maraqlanıb heç bilgisi olmayan biri üçün çox faydalı olacağını düşünürəm. Dizayn sahəsində öz dilimizdə mənbə tapmağın çətin olduğunu nəzərə alaraq, kitabın öz dilimizdə olması da ayrı sevindirici bir haldır.
Beynine Format AtKişisel gelişim - Edebiyat
Kitab şəxsi inkişaf kitablarından bizə çox tanış olan məlumatlarla başlayır. Düşüncələrimizin, yaşadığımız travmaların, uşaqlıqda və sonrasında rast gəldiyimiz neqativ hadisələrin həyatımız üzərində təsiri və s. Məlumat qismindən sonra yazar problemlərimizi necə həll edə biləcəyimizlə bağlı tətbiq edilə biləcək texnikalar verir. Bunlar xəstəliklər, fobyalar, aslılıqlar və həyatımızda dəyişmək istədiyimiz bir çox şeylə bağlı texnikalardır. Kitab sadəcə oxunmaq üçün oxunursa heç bir fayda verəcəyini düşünmürəm. Ancaq öyrənilən məlumatlar doğru tətbiq edilərsə faydalı ola biləcəyini, hətta həyatımızda müsbət yöndə bir çox dəyişiklik edə biləcəyini düşünürəm.
Xoş mütaliələr :)