Ji Evareke Amede
Ji êvareke Amedê gazî nekesekî dikim
Di devê min de gotinên straneke dişibe ewran
Li ser zimanê min bû, le nayê bîra min
Çi bû navê min?
...
Şerm dikim behsa kenê xatûnekê bikim
...
Û li ser kevirên mezelan pistepista pêşerojekê
Gelo dibe yê mirî ez bim?
Diponijim li êvareke dişibe esrî
Heyv bı bejnekê bilindtir e ji tavikê
Qîzên biskrihan gûzan
Û her şev, heyv hiltê ji pişt girê Miştenûrê
Şewqa xwe dilop bi dilop dadigerîne ser kulmek av
Ew av, diherike heta Xetav û Efrînê.
Diponijim li êvareke dişibe esrî
Heyv bi bejnekê bilindtir e ji tavikê
Qîzên biskrihan gûzan belav dikin li deriyê Mêrdînê
Li jêr hişê min fîkefîka bayê
Şîreta terikandina vî warî dikin hemû neqeb
Dema qismet belav bû di xew de bûm
Min gelek zivistan qedand bi cilên zarokên xelkê
Û di berîka min de nasnameyek ku xerîbîyê tîne bîra mirov
Ez ne darek kizwanê bim, gelo çi me?
Sayfa 28
Mem Ararat - Heyv
youtu.be/YnW2I_7Wiw8
Reşê te her tim li ber çavê min e.
Dildarê te me, Sozdara min be.
