Kitabı "2022 Cinciva Oxu Marafonu"nda
(#150936137) mövzuya uyğun olaraq, may ayında (mistika aləminə səyahət) oxumaq üçün seçmişdim.
Kitabın qısa məzmunu;
Bir Cüt Qanad
Adından da göründüyü kimi, məsələ elə bir cüt qanadın üzərində qurulur. Uriel (Baş mələk), yüz illərdir cəhənnəmdə əzab çəkən bir günahkara - Emmanuelə yaxınlaşır və ona verəcəyi tapşırığı yerinə yetirməsini və əgər yerinə yetirsə, onu bir cüt qanad sahibi edib, cəhənnəmdən xilas edəcəyini vəd edir. Baş qəhrəmanımız, Clara atasının faciəvi ölümündən sonra heç nə xatırlamır və özü belə bilmədən dəlixanaya aparılır.
Kitabın əsas obrazlarını (Clara, Emmanuel) çox, çox sevdim, ən əsası gülməli dialoqlarını.
Yazıçının geniş xəyal dünyası var, hadisələrin baş vermə ardıcıllığı, gedişatı əladır. Əsas obrazların davranışları kitabı sevməmin əsas səbəbidir. :')
Amma kitabda iki əskik hiss etdim:
1. Məncə, kitabda cümlələrin ifadə edilmə tərzi zəif idi. Bədii təsvir vasitələrindən bir az da, istifadə edilsəydi, cümlənin/fikirlərin təsirediciliyi artardı.
2. Kitabın sonunu heç belə sadə gözləmirdim. Kitab elə bir yerdə bitti ki, sanki hər şey yarıda qalmış kimi hiss etdim. Sadə bir sonluqla bitti kitab. :)))
Əsəri sevdim amma, bu əskiklər olmasaydı tam puan verərdim. Sadəcə, hadisələrin danışılma tərzinin bir az zəif qaldığını düşünürəm.
Bundan əlavə, əgər fantastika/mistikanı sevirsinizsə, macəralı bir şeylər oxumaq istəyirsinizsə, yaxşı seçim ola bilər.
Sağ olun, kitabla qalın !
Bir Cüt QanadMurad Cəfərov · Pergament Nəşriyyat · 201751 okunma
Özüm üçün yaratdığım "güclü qız" obrazının əlimdən, üzümdən axıb getdiyini hiss edirdim. Heç oynaya bilmirdim o obrazı son zamanlar. Beynim də, bədənim də başqa yerə meyil edir, başqa insan olmaq istəyirdi. Bəlkə, daha sərt, daha bivec, daha cəsur.. Bəlkə, daha güclü... Daha və daha... Öz qurduğum dünyamda məğlub olurdum. Heç bu qədər zəif olmamışdım. İçimdəki sıxıntının səbəbini özümə belə etiraf edə bilməyəcək qədər zəif.
Qaraqan'nın oxuduğum ikinci kitabı oldu mələk və çox bəyəndim.Qaraqa'nın fikirləri ,mahnıları mənim üçün həmişə özəl olub.
Bu kitabı oxuduqdan sonra mələk adlı mahnsına qulaq asmaq bir başqadı.
Kitabda dünyalar gözəli Mələk'dən bəhs edilsə də Azərbaycan xalqının bir çox mənfi xüsusiyyətləridə qələmə alınmışdır.
Həmçinin rüşvət,məmurların özbaşnalığı,məmur balalarının qudurğanlığı,qara cammaat adlandırdığı xalqın bir türlü oyanmaması kimi mövzular da öz əksini tapmışdır.
MələkQaraqan · Əli və Nino Nəşriyyatı · 20121,518 okunma