Əgər hədisdən misal çəkərək izah vesək, bir düz yol, yolun hər iki tərəfində iki divar, divarlarda pərdəli qapılar və yolun əvvəlində bir dəvətçi var və o, “Ey insanlar! Hamınız doğru yolu tutun, dağılmayın!” deyə səslənir. Kimsə pərdəli qapılardan birinə girmək istəyəndə yuxarıdan başqa bir çağırışçı səslənir: “O pərdəni qaldırma! Qaldırsan aldanıb, içəri girəcəksən!” . Bu misaldakı yol İslam dinidir, divarlar Allahın qoyduğu hədlərdir, qapılar haramlardır, yolun əvvəlində olan dəvətçi Allahın kitabıdır, yuxarıdakı dəvətçi və xəbərdar edən hər bir möminin qəlbindəki ilahi məsləhətçidir.