Khaled Hosseini
Səndən ötrü min yol..."
Bu kitab vasitəsi ilə həyatın bir növ bumeranq olduğunu xatırlayırıq. Bəzən hətta uşaq ikən etdiyimiz səhvlərin üzərindən illər keçsə belə biz onları unutmuruq, davamlı şəkildə vicdan əzabı çəkirik.Zaman keçir, bəzən bu səhvləri öz qəlbimizdən silmək üçün Allah bizə yol göstərir, şans verir. Amma bu şansı əldə etmək üçün keçmişimizdə qarşımızdakı insana verdiyimiz əziyyət qədər bəlkə də daha çox əziyyət çəkirik. Buna məhz bu kitabda ki Əmirin Söhrabı dilə tutması və uzun müddət sonra onun heç bir məna ifadə etməyən üzündə bir gülüşü görməsini nümunə göstərə bilərik.
Eyni zamanda kitab bizə ədalətsiz və yalançı dünyada hələdə bir yerlərdə bəzi insanların qəlbində qarşılıqsız olsa belə sevginin olduğunu göstərir.
Kitab axıcı dildə , insanlara həyat dərsi vermək üçün yazılmışdır. Hadisələrin sürətlə inkişafı və sonlara yaxın baş qəhrəmanın bəzi gerçəklərlə üzləşməsi kitabı daha yadda qalan edir.
Çərpələng UçuranKhaled Hosseini · Qanun Nəşriyyatı · 2011164,2bin okunma
Rövşen Abdullaoğlu
Bu kitabın adını uzun zamandır eşidirdim və indi oxumaq nəsib oldu. Bəlkə də ötən yaş dövrlərimdə oxusa idim, mənə çox oxucuda buraxdığı təsiri buraxmış olardı.Amma tam tamına sevəcəyim bir kitab olmadı.Açığı desək, kitabın bəyəndiyim və bəyənmədiyim yanları var idi.
Bəyənmədiyim yanı bu kitab mənə yeni bir şey qatmadı. İdeyalar bizim ailələrin bizə ötürdüyü öyrətdiyi məsləhətlərlə üst-üstə düşürdü. Sanki kitabı oxuyanda ailəmin dediyi sözlərlə qarşılaşırdım. Eyni zamanda, kitabın orta hissəsində dinlə bağlı fikir ardıcıllığı o qədər çoxdur ki, bəzi oxucularda məhz bu hissələrdə kitabı yarımçıq qoyublar.
Bəyəndiyim tərəfi isə, yazıçı pozitiv düşüncəyə sahib olmaq, ailə bağlarını qorumaq, Allahdan ümidi kəsilməmək kimi vacib məqamlara toxunur. Süjet xəttinin sonlarında hadisələr elə cərəyan edir ki, həyatdan ümidini kəsmiş oxucunun belə gözləri açılır.
Düzdür,kitab yazmaq hər insanın işi deyil, amma fikrimcə, bu biraz daha inkişaf etdirilməlidir ki, kitab oxucunu təəccübləndirsin.
#buşəhərdəkimsəyoxdur 6/10
Hə...Milad bayramı yaxınlaşır. Çoxdandır ki, bu bayram mənim üçün heç bir məna kəsb etmir. Uşaqlığımda olan o sevincdən, xoş həyəcandan heç bir əsər-əlamət qalmayıb. Əvvəllər necə də səbrsizliklə bu bayramı gözləyərdim.
Biz insanlar bədənimizlə böyüyürük,qəlblərimiz isə inkişafdan qalıb.Xoşuna gəldiyini heç nəyə baxmadan israrla, ayağını yerə dirəyərək istəyən uşaq kimiyik. İnadla, inadla istəyirik ki, həyatda hər şey məhz biz istəyən kimi olsun. Həyat istədiyimizi bizə verməyəndə təşvişə düşürük,gözlərimiz yaşla dolur, özümüzə yer tapa bilmirik. Hər xırda istəyimiz bizim üçün böyükdür. Qəribədə burasıdır ki, bəzən istədiyimizi əldə edəndən sonra əvvəlki marağımız tamamilə itir və onları lazımsız bir əşya kimi kənara tullayırıq. Elə bil dünənə kimi bunun uğrunda mübarizə aparan biz deyildik. Gəl indi özünü başa düş!