Ey bülbül‐i şeydâ yine efgâne mi geldin
'Azm‐i gül edüp zârıyla giryâne mi geldin Pervâne gibi âteşe dâim cân atarsın
Evvelde bu 'aşk oduna sen yâne mi geldin Yağmur gibi yağarsa belâ sen bâş açarsın
Cân vermeğe dost yoluna kurbâne mi geldin
Niyazi-i Mısrî
Bu fenâ gülzârına bülbül olanlar anlamaz,
Vech-i bâkî hüsnüne hayrân olan anlar bizi.
Dünyâ vü ukbâyı ta’mir eylemekten geçmişiz,
Her taraftan yıkılıp vîrân olan anlar bizi.
Niyazi Mısrî
İzi yoktur ki izinden biline
Dahi tozmaz ki tozundan biline
Sen onu sanma sözünden biline
Hakîkat ehlinin olmaz nişânı
(Niyâzî-i Mısrî)
Korkma tâmudan eğer âşık isen
Bülbül olanın yeri gülzâr olur
Niyâzî-i Mısrî Hz.
Halk içre bir âyineyim herkes bakar bir an görür,
Her ne görür kendi yüzün ger yahşi ger yaman görür.
Niyazi-i Mısri