Salam. Bu dəfə bir az gec olsa da, milli ədəbiyyatımızın məhsulu olan “Qanlı Sənələr” əsəri haqqında fikirlərimi bölüşmək istəyirəm. “Qanlı Sənələr” Məmməd Səid Ordubadinin sayılan, seçilən əsərlərindən biridir. Mövzunun məğzi, erməni-müsəlman münasibətlərinin dəhşətli tərəfləri, onların törətdikləri ağır cinayətlərdir, hansı ki tarixi faktlara əsaslanaraq yazılıb. Hətta kitab bir müddət qadağan belə olunmuşdur.
1905-ci ildə baş vermiş erməni-müsəlman qırğını tarixin qanlı səhifələrinə həkk olunub. Bu əsərdə onlar Qafqazda yaşayan müsəlmanlar arasında parçalanma salmağa çalışıblar və bundan ötrü inanılmaz dəhşətlər, cinayətlər törədiblər. Məmməd Səid Ordubadi bu əsəri ərsəyə gətirmək üçün hadisələrin canlı şahidlərindən aldığı məktublardan, faktlardan istifadə etmişdir. Hər şeyi olduğu kimi sübutlarla qələmə alan yazıçı qeyd edir ki, şəhərlər, rayonlar yandırılır, talan edilir, insanlar öldürülür və bu fəlakətlərə yuxarı qurumlar səsini çıxartmır. O, Dəhşətli Bakı qırğınını, Gəncə hadisələrini, Şuşa dəhşətlərini və bir çox şəhərlərdə törədilən cinayətləri təfsilatı ilə oxucuya çatdırmağa çalışıb. Bütün bunları oxuduqca yaxın keçmişdə baş verən Gəncə, Bərdə hadisələri gözümdə canlandı. Onların çirkin məqsədlərinin hüdudlarının dəyişmədiyinə bir daha şahid oldum.
Mütləq oxunulacaq kitablardandır. Oxuyun və unutmayın! Xoş oxumalar
