– Doğruluğun mənası nədir və yalanın mənası nədən ibarətdir?
O cavabında buyurdu:
– Doğruluq və yalanın mənasında ixtilaf var. Bəziləri deyir ki, doğruluq bir kəlamdır ki, onun məzmunu həqiqətə müvafiq olsun. Yalan isə bir kəlamdır ki, həqiqətə mütabiq olmasın... Bir cəməat deyər ki, doğruluq bir kəlamdır ki, danışanın etiqadına mütabiq olsun, yalan odur ki, danışanın sözü onun etiqadınca müvafiq olmasın.
Hər iki yolda yalan əqlə və şəriətə ziddir.
[Hacı Zeynalabdin Şirvani. "Bustanüs-səyahə". Tehran, 1339 hicri, səh. 907]
Bu həyətdə Nəsimi və hürufilər dolaşıb,- düşünə-düşünə otağa keçdim. - Bu otağın torpaq döşəməsinə Nəsiminin ayaqları dəyib. Bu yeganə nəfəslik-kiçik pəncərədən təmiz hava alıb, qalanın bir parçacığını seyr edib. Bu otaqda, bu səqf altında Nəsiminin səsi eşidilib, şeirlərini özü oxuyub, müridləri oxuyub",- fikirləri ürəyimdən keçə-keçə otağı seyr edirdim, geniş, uzunsov, dördkünc otağın bir tərəfində böyük bir sənduqə qoyulub, daşın üstü şəbəkəli ağac sǝnduqǝyǝ tutulub. Onun da üstündən üzəri ayələr tikməli ipək örtük çəkilib. Məzarın dövrəsini gəzdikcə təqt ilə şeirlərindən oxuyurdum və necə oxuyurdumsa, çağdaşım Nəsimi ilə Ədnan bəy ağlayırdı.
Məhəbbət yeddi hissədən təşək kül tapıb:
1. Eşq; 2. Şeir; 3. Musiqi; 4. Rəssamlıq; 5. Dərman otları, çiçəkləri; 6. Qiymətli mədən (qızıl, gümüş, daş-qaş); 7. Gözəllik
Gözəllik isə insana lütf edib bağışladığı nemətlərin birincisidir.
Hər kimsə riyazətdən, öz nəfinə qarşı çıxmaqdan, əxlaq təmizliyindən və nəfsi tərbiyə etməkdən söz söyləsə və batini təkmil etmək və təriqəti təhsil etmək və qəlbi saflaşdırmaq və ruha cila vermək və sirri boşaltmağa başlarsa və təriqət adını və həqiqət nişanını və mərifət rəsmini dilinə gətirərsə və zöhd, təqva, təslim, nza, fəqr, fəna yolunu tutarsa, o adam dəlilsiz və sübutsuz kafir və mülhiddir! Əgər ki o, əsrinin əllaməsi və zəmanəsinin Əbuzəri və Səlmanı ola!