Yarpaqların üzündə ölüm kölgəsi
Azca yel əsdi... Bəsdi
Budaqdan torpağacan uzanacaq
Yarpaqların ömrünə əl yelləməsi.
Yarpaqlara təsəlli vermək istəyirəm- təsəlli vermək
Heç nəyini vermək kimidir.
Neyləyim, kasıbın olanından!
Yağma, qar!
Məni qarabuğdayı doğub anam
Çətin ağaram...
Tutaq ki, ağartdın saçlarımı
ağartdın dabanları yeyilmiş
42 ölçülü ayaqqabılarımı.
Tutaq ki, ağartdın geyimimi-keçimimi
Ağarda bilməzsən bəxtimi
Özünü yorma qar, yağma qar..
Çətin ağaram...
Ədəbiyyat bölməsində oxumağım hər zaman qürur mənbəyim olub. Müxtəlif yazıçı ve şairlərlə tanış olmaq müxtəlif həyat hekayələri görmək insanın mənəviyyatını qidalandırır. Kitabını inceleme yazdığım şair 24 yaşında dünyadan köçüb. Amma şeirləri elə hiss-həyəcanla yazılıb ki, 50 il yaradıcılıq ilə məşğul olanlar onun kimi yaza bilmir. Şair sanki, tez öləcəyini hiss edirmiş. Ürək tutmasından vəfat edən şairi sarsıdan ən böyük şey sevdiyi qızı başqasına verilməsi hadisəsi olub...