Hakan Yekbaş Quotes
You can find Hakan Yekbaş quotes, Hakan Yekbaş book quotes, the most impressive sentences and paragraphs on 1000Kitap.
4 Şecâ'at 'arz iderler cebhesinde hüsnine karşu
İki ebrûları baş başa virmiş pehlevânlardır
5 Sarâyı gönlümün yanmış yıkılmış [cevr ile] hâlâ
O ceyş-i gamzesiyle itdügi zulm u ziyânlardır
Sayfa 215Kitabı okudu
NA'T-İ ŞERÎF-İ NÂBÎ TAHMÎS-İ RÛHÎ-İ SİVASÎ
4 Şifâ-bahşende çeşm-i dü-cihâna kuhl-ı hâkidir
Nihân hoş-bûy-ı 'anberde bu hâkin gerd-i pâkidir
Bu bir gülşen-serâdır bâğ-ı Firdevs iştirâkidir
Felekde mâh-ı nev bâbü's-selâmın sîne-çâkidir
Bunun kandîlidir hûr matla'-ı nûr-ı ziyâdır bu
Sayfa 132Kitabı okudu
MUHAMMESLER
5 Şeb-i hecrinde gördüm bir 'alâ'im tâb-ı âhımdan
Çıkar nâr-ı şerer eflâke dek fark-ı külâhımdan
Göründi bir sitâre sûy-i aksi yine hâhımdan
Su'al itdim sururlâb ehline baht-ı siyâhımdan
Belâ burcunda necm-i tâli'in gâyetde kem dirler
Sayfa 125Kitabı okudu
EZELDEN VERDİĞİN SÖZÜ DÖNDÜN İNKÂR EYLEDİN
1 Akdem ey şûh-ı gül-endâm vaslın ikrâr eyledin
Virdin ikrârı ezelden döndün inkâr eyledin
2 Gâlibâ ey Leylî bildin oldıgım Mecnûn-sıfat
Zülf-i zencîr-i girih-gîrinde ber-dâr eyledin
3 Nergis-i mestin gibi bîmâre olmış gönlümi
Öz lebinden terbiyet dermânı îsâr eyledin
4 Var ola lutfunla çekdin sîneme dâg üzre dâgı
Şevk-i zevkim arturup ihsânı tekrâr eyledin
5 Hâm tama'la hâbda küstâhlık itdin Rûhîyâ
Bus iderken gerden-i dil-dârı bîdâr eyledin
Sayfa 266Kitabı okudu
4.MUHAMMES
1 Yüri var zayi' kılma ehl-i derde merhemin hâzık
Ana çok çâre sa'ey itdi Felâtûn-ı zamân-ı sâbık
Anı hayvân olanlar anlamaz ger olsa da nâtık
Dilâ bu remz-i sevdâya giriftâr olmayan 'âşık
Ne bilsün cevher-i 'âşkı degildir muktedâ sâdık
Sayfa 129Kitabı okudu
DERDİMİN DEVASINI KES
1 Rızâ-yı yâr[ı] istersen gönül nefsin hevâsın kes
Cemî'-i mâsivâyı terk kıl dehrin nizâ'sın kes
2 Sevip bir şûh u şengin zülfinin sevdâsı başından
Getür özge güzeller 'aşk u sevdâ mâcerâsın kes
3 Yakarken ehl-i 'aşk[ı] sûz-ı hicr-i nâr-ı dûzahın
Nikâb it rüyûna ihrâk-ı tekrârın ziyâsın kes
4 Gönüldür mehd-i gamda tıfl-tek efgân iden her ân
Visâlin bestesin vir agzına bârî sadâsın kes
5 Güzel hûn-hâr gamzenle idüp kasd cânımı alma
Bul ol kâlânın ıssın sor bazâr it hod bahâsın kes
6 Mu'âlic çekme zahmet yok bize kim 'illetim 'aşkdır
Halâsım ister isen mühlike derdim devâsın kes
7 Sever maḥbûb-ı Rûhî neş 'e-i mey-hâneden geçmez
Bana itme anın-çün zâhidâ minnet recâsın kes
Sayfa 238Kitabı okudu