İbrahim Şahin Sözleri ve Alıntıları
İbrahim Şahin sözleri ve alıntılarını, İbrahim Şahin kitap alıntılarını, İbrahim Şahin en etkileyici cümleleri ve paragragları 1000Kitap'ta bulabilirsiniz.TÊLÎ
Gidîno gava ez dimirim bibêjin Têlî
Ez dişuştim bibêjin Têlî
Kefen dikirim bibêjin Têlî
Serê min dane ber tawan û şidêdan bibêjin Têlî
Dame ser daran û darbesta bibêjin Têlî
Bi rê xistin bibêjin Têlî
Berê min dane qebr û qebristanê bibêjin Têlî
Danîme qebra reş û tarî bibêjin Têlî
Suwala akir nekir da bibêjin Têlî
Tijî li ser çavê min axa sar dikirin bibêjin Têlî
Pişta xwe bi min da dikirin bêjin qîza 14 salî, bûka rûbixêlî
Heft salî da berdilka dilê min bû
Tozek axa sar ra bû berdêlî
Rûpel 199
Go delalîyo bihîstina min bihîstîye
Tu li dû şêx û mela digerî.
Qedera ku Xweda li jor neke
Li jêrê bi kaxizê şêx û mela nabî serî
Wey axao, wey axao, wey axao
bi kavirtî têr neçêriyao, bi berxtî têr nemijiyao
ji siyaseta hikûmeta tirkiyê eman û stara xwe nediyo
şevekî di nava cî û nivîn û yataxê xwe da ranezao
Rûpel 50
"herçî kesê ku navê wî musulman be
dîn û îman ji bonê hebe
heyanî dunya xweş ava be ewê rûnê malxirabo
ji bîr nake kesîreta Gelîyê Zîlan"
RIZGAN Û NURÊ
(Nûrê bangî Rizgan dike)
Qoçanê birayê min rabiye ranebiye heftsaliya xwe da sekvan e
şopê digerîne îzê tîne ser me
ez ê rabim xwe berdime pêşiya Qoço
bêjim: Qoço bi te kim, tu yê bi xwedê kî
derbekî li bedena Rizgo nexîne
Rizgo lawê apê te ye, yekê heyf e
min tenya sacê li rûyê xwe daye bi destê zorê Rizgo aniye
tu derbekî li bedena min gulîbira xwedê bixîne
nav hevalan da ji te ra him nav e, him namûs e, ne tu şerm e..
r.174
Entaba Helebê ciyê weliya yi
Kaviliya Mûşê ciyê feqiya yi
Korta Bitlisê ciyê şêxan û mela yi
Welatê Elaşgirê ciyê rêncberan û çifçiya yi
Kûraniya Entabê ciyê axa û axalera yi
Nav Hesena ciyê siwaran û rimbaza yi
Kaviliya Milazgirê kûraniya aşa yi
Nav Heyderan ciyê qizan û bûka yi
Eledax mexelê hogeçan û miya yi
Meskenê yêşîlbaşa yi
Kosedax mîrê çiya yi
Gilidax mexelê pezkuviya yi
Sîpandax ciyê şehîdan û xaziya yi
Belekê berfê heliya li etegê Bilêcanê mayi
Enqere şewitî textê di paşa yi
Sûra Diyarbekirê sertacî sûra yi
Siwêrekê li me anî koka feqîr û fiqara yi
Erziruma rengîn ciyê zozana yayle yi
Ji gavê din da tîrekî di serî dilê min daye
Serê tîrê çar tilîya şikestiye, dilê min da maye
Vê bêxwediyê dilê min da şax vedaye
Birra doxtor û sertabîbê dewletê rabin
Nizanin serê tîrê di ku da ye
WEY DIL - MÎRO
bira dilê rezîl bi dil be tûrê parsê li mil be
parsa meriv li vir nebe
li nava donzdeh duwalê ejnebî
Ûrisan, li Alaman û Emirîkanê gêwir be
parsa meriv birije tûrê merivayê qul be
merû li ber dîwarê evda be
xwirê meriv kerî nanê garis û jê di gilgil be
berseriya meriv kevir be
malxirabo ser raxa meriv gunî be
bin raxa meriv postê jûjî be
tek bira dêrisê gunda da dilê rezîl bi dil be
Kekê Xîyasedîn
"lê bira tu gula şêxan î bira
biçûkê biran î bira
xulîyê di şewqan î bira
welatê xerîbê derdê pûçê bê derman î bira
heya dunya xweş ava be
keder û mereqa me hemîyan î bira"
Min sond xwarî
Sed xençeran li min xin ez ranabim ji kêlekê, ji teniştê.
Rûpel 243
WEY DIL
Lo Rebiyo xwedê xirab bike dilê bêdil
Fenanî gakî bêwerisî bêcil
Fenanî kirasê qolî bêmil
Fena dara bêşalûl û bêbilbil
Fenanî xasbaxçekî rûtî bêgul
Rûpel 311
Ez tim û tim cara li nava qîz û bûkê Diyarbekir
Li mihela jorîn, li mihela jêrîn
Li Tiflîsê disekinim ji qîz û bûka ra dibêjim
"Gelî qîz û bûka, Heqîkê delal berdilkê dilê min e!"
Şerê Tarxan
Zezo digo Cemîlê lê dayê wele kekê min xweşmêr e, xweş axa ye.
Qarişê şahê ecem yarim dewlet e, yarim şah e.
Çawa li topraxa vî kafirî bê piştmêrî, bê bira ye?
Rûpel 77
...
bi sura sibê ra
bi azanê mele ra
bi qêrînê dîka ra
bi kilekilê meşka ra
lubeluba jinebiya ra
bi dengê qîza û bûka ra
bi fîtînê nêçîrvanê serê çiya ra
hokînê şivanê ber keriya ra
norînê deveşê ber deva ra
bi zereqê tavê serê siba ra
kalekalê berxan û miya ra
bi dengê lawê kurda ra
biriqînê di şûra ra
bi dengê dengbêja, bi defê dewrêşa
bilûrê bilûrvana, sazê sazbenda
bi dengê şalûl û bilbilê, têl û tembûrê
qasekî li kêleka pismamê xwe rûnêm
ji kedera dilê xwe yê bi kulê bi mereq ra
bi şêrînî ji xew rakim.
Rûpel: 328
NÊÇÎRVANO
(Xezal got)
tu nizanî ez xezal im
xezala egît im
gerdena min zer e,
çepilê min dirêj e
porê min kej e,
nava min bi qendil e
zenda min bi bazin e,
tiliya min bi gustil e
lêva min tenik e,
pozê min bi qerenfil e
sî û sê gulî ser bejna min a tenik û zirav bûne çîte
dêrise gundê me da bîst û çar eşir e
r.415