M. Zahir Ertekin Quotes
You can find M. Zahir Ertekin quotes, M. Zahir Ertekin book quotes, the most impressive sentences and paragraphs on 1000Kitap.
Hezar dengên ji hev cuda xwe li me ragirtin û
Her yekî got; ‘xwedîyê we yî heqîqî ez im’
Şopên dirinde em li hev qelibandin
Li baskên pejmurde yên dirindeyan em arqilîn
Li ezmanan, me şewatên gundên xwe temaşe dikir
Di nava dûxan û wêranîyê de
Me tirba xwe dikola
Pepûk jî her bi me re bû
Piştî çûyîna te
şev e mîna xwe reş e
û ji her şevê şevtir dixuyê îşev
ramanên qocix lixwekirî diricifin
bi xwe dikene dem
bi me dikene
bi min jî
hêsan dibe fikirandinên nepak
hêsan dibe meşîn di rêyên bêewle de…
bêyî tirseke dahatû û xelasîya ji dil a ji herkesî
ji her tiştî û ji aramîyê jî
Çira min a biroj
Neynika bistrî
Mîna nanê tisî li çolan
Bi av û dew
Li halê min dipirse
Li halê alemê dipirse
Geh li min digire
Geh bi min diteqe
Geh jî qet guh nade min
Pênûs e
Jê naye kirin sual…
Gelek caran
Me dilê xwe di bêrîka xwe de ji bîr dikir
Da ku li qadan em amadeyê mirinê bin diketin rêzan
Em bi hev ketin
Em ji hev ketin
Em bi xwe ketin paşê
…
Piştî ku me rengê te wenda kir
Em bûn lîstika zarokan…
Bêhna nîsan û gulanê vedibû
Lê bê baran me ew bêhn noş dikirin
Loma jî stîrî diçikîyan di gewrîyên me de
Qermîçokî dibûn madên me
Lê me ferq nedikir ku vexwarinên me jî
Ji tamên xwe yên ‘eslî dûr ketibûn
Piştî çûyîna te
Ji min nexeyde û nebêje ‘eyb e
Bi şev û roj distrêm bê te, ne xeyb e
Her guman li min har in, digerin şewbe
Êdî ji dinyayê min fedî nedî