Hakkında
Okurlar
2 okur okudu.
1 okur okuyacak.
Kitaplar
Sözler ve Alıntılar
qetek asîman, firek ba
qetek ewr firek baran
qetek nan firek agir
qetek heyv firek ronî
qetek roj firek zerqetav
qetek ax firek av
qetek şi’îr firek hêma
qetek asîman, firek ba vexwar
qetek ewr, firek baran biland
qetek nan, firek agir pejand.
qetek heyv, firek ronî virvirand
qetek roj, firek zerketav pif kir
qetek ax, firek av meyand
qetek şi’îr, firek hêma repisand.
awêneya peşîn e çav
-rasteqîna wên
awêneyê duyêmin e av.
awêneya sêyemîn e wêne,
-mayîna li dû mirinê
wên li awêne diderize
li awêne bar dibe wate
li xwe mikur tê derew
bîne edaya xwe li jîyanek jidayî
lê li nav çav dixin awêne
biryarên bihorbar û têkçûyî
awêne ne awêne çarçovê mirinê
bi nêrînek bengîn em tê de dixapin
Lo Xwedêwo!
bextê me çima no ye?
ev şûrê me çima ko ye
bûn çima zo ye?
bûn an jî nebûn qey hoy e?
Xwedê: -mirovno ho!
ez yek im her tişt do
min wext jî kirîye şev û ro
bextê we xwarine lo
dest pê bikin ji xwo ji xwo.
ji bo wê cara ‘ewil
sê pêtik çûrisîn di tarîtîyê de.
yek,
bo bêhiş
b
i
k
e
v
i
m
li hêlekana mîraca porê te
yek,
bo awirên xwe biferidînim şevçiraxa bîbikên te
yek jî,
bo kêlekên lêvên te.
û tarîtîyek bêdawî dara dilî
ji bo ku bizîvirim dîse li her tiştî
dema min her stêrk kir kulîlkek
û li ser porê te danî.
îstgeha dawî lêvên te ne
niha li wir im
bêhneke egzotîk ji derdor difûre
li hawîrdor darqehwe hene
û dibe ku ev der parzemîna Efrîqa be
erê ev der Habeş e
û ew şivanê ku dibêjin bizinên wî
qehwe keşf kirine jî ez im
va ye dibêjim, ew şivan ez im
û darqehwe yekem car li lêvên te bişkuvîn
İletiler
Henüz kayıt yok
Yorumlar ve İncelemeler
Henüz kayıt yok