Pirtûka me a yekemîn e ku liser folklora Kurdî lêkolîneke bi zimanê Kurdî hatiye çêkirin, ji alîyê din, xebat bi xwe jî li ser babet û tema jinan e, bi vî tehrî mirov dikare bêj e du rûçikên vê pirtûkê hene:folklor û jin, herdu babet jî ketine zikê hev, hev dewlemend kirine.
Hûn dikarin bi saya vê xebatê nasîya xwe bide folklora Kurdî, nimûneyên vê folklorê tam bike, ji alîyê din bi saya materîyalên folklorîk derbareyî cîhê jinan û rewşa jinan de dikare zêtir agahdar bibin, zaniyarîyên xwe pêşta biben, nûh biken. Ji alîyê din dema ev pirtûk hate
berçav kirin, hûnê bibîne ku, jinan di nav folklora Kurdî da ji xwe re textek ava kirinye û serdestîke (hakîmîyet) wan heye.
“Kerem kejorê bibe ezîz mêvane,
Ji seferê hatî, ezîyet dîne, ezebê girane,
Emê şermîyê bavêjin berpîyane,
Gerdana min kupî hingivîne,
Şirîn-şirîn bimijîne.
Perda edebê ji ber hilîne,
Bax û bostanê min gîhiştîne.
Hesar kirî bo te min hîştine,
Bikeve nave, gul sosinanjê biçîne.”
