Hakkında
Vidadi Babanlı 1927-ci il yanvarın 5-də Qazax rayonunun Şıxlı (indiki Muğanlı) kəndində müəllim ailəsində doğulmuşdur. Burada orta məktəbi bitirdikdən sonra ADU-nun fılologiya fakültəsində təhsil almışdır (1944-1949). Bir il Sabirabad şəhər orta məktəbində müəllim işləmiş, sonra Bakıya köçüb "Azərbaycan müəllimi" qəzeti redaksiyasında ədəbi işçi vəzifəsində çalışmışdır.
Moskvada M.Qorki adına Ədəbiyyat İnstitutuna təhsil almağa göndərilmiş, orada aspiranturaya daxil olsa da, səhhəti üzündən Bakıya qayıtmalı olmuşdur. Burada "Ədəbiyyat qəzeti" redaksiyasında ədəbi işçi, sonra şöbə müdiri işləmişdir (1954-1960). Yaradıcılıqla əlaqədar Sumqayıt şəhərində fəhlə yataqxanasında tərbiyəçi olmuş, əsərinə material toplamışdır. "Azərbaycan" jurnalı redaksiyasında nəsr şöbəsinə başçılıq etmişdir (1961-1968). C.Cabbarlı adına "Azərbaycanfılm" kinostudiyasının dublyaj şöbəsində baş redaktor əvəzi (1974-1976), "Yazıçı" nəşriyyatında baş redaktor müavini (1978-1981) olmuşdur. Hazırda bədii yaradıcılıqla məşğuldur. Onun ilk mətbu əsəri 1947-ci ildə "Azərbaycan gəncləri" qəzetində çıxan "Anam sən oldun" şeiridir. İlk şeirləri "Dönüş", "Təbrizdə bir gecə" poemaları dövri mətbuatda "Vidadi Şıxlı" təxəllüsü ilə çap olunmuşdur. "Gəlin" povesti ilə nəsr yaradıcılığına başlamışdır (1954-cü ildən).
1954-cü ildən roman, povest, hekayə, oçerk, publisistik məqalələr, kinossenari yazıb-yaradır. Əsərləri SSRİ və xarici ölkə xalqlarının dillərinə çevrilmişdir. Son illər "Öz evində qonaq" pyesi tamaşaya qoyulmuşdur (2003). Şeirləri dövri mətbuatda müntəzəm çap olunur. "Kişilik haqqında himn" şeirlər toplusu "Xəzər" nəşriyyatında kütləvi tirajla buraxılmışdır (2002). "Dərd məni dilləndirir" (2003) publisistik əsərlər toplusu, "Mənim gizlinlərim" (2002-2003) avtobioqrafik romanı, "Ana intiqamı" (1995) povesti rəğbətlə qarşılanmışdır. Yazıçılardan ibarət xüsusi dəstə ilə İspaniya, Fransa, İtaliya, Almaniya, Polşa və bir sıra xarici ölkələrdə səfərdə olmuşdur.
Tam adı:
Vidadi Yusif oğlu Babanlı
Unvan:
Yazar
Doğum:
Qazax, Azerbaycan, 5 Ocak 1927
Okurlar
17 okur beğendi.
90 okur okudu.
5 okur okuyor.
50 okur okuyacak.
3 okur yarım bıraktı.
Sözler ve Alıntılar
Vicdan susanda;qulaqlar kar, gözlər kor olur.!
Sayfa 59Kitabı okudu
Qadınlar hər şeylə maraqlanar.Bu onların qanlarında var.
Bir qayda olaraq, həyatda da, elmdə də yenilik həmişə mübahisə doğurur, böyük maneələrlə qarşılaşır.
Sayfa 21Kitabı okudu
Od ol ki, dəyib-toxunmağa qorxsunlar. Kül olsan, ovuclayıb havaya sovurarlar, heç izin-tozun da qalmaz.
Sayfa 113 - kirilcəKitabı okudu
Eh insanlar, insanlar! Siz nə qədər müxtəlifsiniz, sizi tanımaq nə qədər çətindir!...
Sayfa 119 - kirilcəKitabı okudu
İletiler
Henüz kayıt yok
Yorumlar ve İncelemeler
Son zamanlarda tanış olduğum və həyəcanla oxuyub bitirdiyim kitabın yazarı Vidadi Babanlı. Yazıçının 96 yaşı var. Əsərlərini oxuyarkən beynimdə daha sağlam, gümrah təsəvvür edirdim. Bu halda görməyim məni çox məyus elədi həqiqətən dünya necə fanidi... Şahbaz Xuduoğlunun isə yersiz və məntiqsiz sualları daha çox hirsləndirdi. " Yəgin ki mütaliə eləmirsiz artıq (istehza),mütaliə eləməmək necə bir hissdi?," Xəyallarınız irəliyə doğrudu yoxsa geriyə? Bu kimi sualları vermək nə dərəcədə düzgündür. Ama yaşına və kecirdiyi nasazlıqlara baxmiyaraq necə səlis və nəzakətli danışır. Balacalığından anasız böyüdüyündən bu həmişə qəlbində yara olub musahibəsində də 3-4 dəfə ana yoxluğunu dilə gətirir. Görünür ki ahıllıq vaxtında bu dərdi daha tez tez yadına düşür. Yazdığı əsərlərin də demək olar hamısında obrazlarını ozünə oxşadırmış çoxunda uşaq vaxtı analarının başına nəsə gəlib, dünyadan koçdüklərini yazırdı... 
Vidadi Babanlı
