Mən bir nakam yazıyam
alnında, ovucunda,
Poza bilmir göz yaşın,
yuya bilmir yağışlar.
Asılıb barmaqlarım
saçlarının ucundan -
Ya bir ölüm hökmü kəs,
ya ömürlük bağışla....
...Gündüzlərim mürgülü,
yuxularım qarışıq -
Sən elə yerdəsən ki...
Qoparıb atmaq olmur...
Sən keçilməz yolların
sonucunda bir işıq,
Yollar düyünə düşüb,
geri qayıtmaq olmur.
Nə səndən ayrı qalmaq,
nə sənə çatmaq olmur...
Yorum yapabilmek için giriş yapmanız gerekmektedir.