Sizə o qədər dəyərli birisinin kitabı ilə gəldim ki.. gec olması da bundan oldu. Kitabın yazıçısı ilə üz-üzə olmasa da bir tanışlığımız oldu. Yaşayanlarla heyranlığım çox çəkməz, amma @basakkablan 'a bir ilə yaxındır heyranlığım var.. Onunla avqust ayının 23-də "Üniversiteye gidecekler için tavsiyeler" adlı videosu ilə tanış olmuşdum. Lise həyatı ilə bağlı olan videosundan sonra isə kanalında nə qədər video var, sildim, süpürdüm deyə bilərəm. İndi də sıxıldıqca izləyirəm. Əvvəllər, hətta indi belə mimikləri, özünə məxsus jestləri, üz quruluşu, stili ilə linç edilir.Nəysə ki, ancaq bunlara gücləri çatır.Nə də olsa, hər gün yeni bir şey kəşf edib oxuyan, izləyən, öyrənib sonra da bunları bütün YouTube izləyicilərinə ürək açıqlığı ilə video lentə çəkərək izlədən Başak Kablana güc gəlmək hamının işi deyildi. İndi soruşulacaq ki, bəs kitab təhlili?Elə kitab təhlili bunlardır. Başak xanımın (Başakcığımmm) video lentlərində səthdən danışdığı, amma maraq doğuran bütün mövzuları kitabında geniş formada yazıb. Kitabının ilk cümləsi incə qəlblər üçün yaradır; "Hepinizin babası ya da annesi birgün ölecek.Bunu o kadar da abartmaya gerek yok."