Êdî dilê min tu şahîya ranagre ku ez rojên bê te dîlana şa bikim her çûyînekê de birînek rondikek keserek veşartî bû lê birînên herî dijwar rondikên herî zelal û keserên herî şewat di çûyîna te de bûn
Ka bibêje rojda;
Çende roj ji bilî te hilat û çend roj ji bilîte çû ava?
Çend bihar ji bilîte hat û çû?
Çend kulîlk ji bilî te şîn bû, û bêhn da?
Ez nizan im.
Roj, meh, sal tên û diçin rojda,
Ez dimîn im,
Tu tiştek li min naguhere
Tenê hezkirina te li min zêde dibe,
Û evîna te fikr û ramanên kûr û kûr dide gîyana min.
Tu cîhana min de, sterka herî mezin
Tu dilê min de deryayek herî pak û zelal e
Tu evîn e rojda
Tu evîn e…
Ev der
Ev war
Ji bo jinê
Dilê jiyana watedar.
Bi destpêkên zelal baranên şin gihiştin
Çavên hezkirinê di pêşa jiyana azad û bextewar de vebûn
Bi ezmanan re hemêz kirin rengê bihara evînê
Di asoyan de geş bûn hemû rengên xweşiyê û aramiyê
Li vir hate wergirtin
Çêja serbestiyê
Û bilindahiya evînê.
Li vê derê
Pêrgi zilma mêran hatin
Disa ev der e ku ji jinê re
Welatê lûbandin û zêmarên pîr.
"Di girêka gewrîya xwe de, nikarim bixeniqînim
zarokê ku di çavên min de, dest bi girîyê xwe ê sirûştî kirî
dike derxe bibîkên çavên min î ji êvaran re mayî
dilê min, ne dê ye, lo!
Dostekî rastgo ye"
Min di wan reşberfên xwekujîya mirovahîyê de nehêle
û zarçepelîya min di henaseyên qumrîyên bajarê ewran de
kunî xeyalan neke
Di
Êvara dertêm tenê digerim,
Kuda jî herim,
Dîna xwe didim li erşê ezmîn,
Çawa yekî dîn
Dixwezim steyrê dûrva qisekim,
Dilê xwe vekim
Û hisreta xwe wanara bêjim,
Ku bêy te gêjim.
Axir steyrê geş ji ezmanê dûr,
Ze’f zelal û kûr,
Him min dibînin vir, Ûrisêtê-
Xewa bê ziman
Navê xwe sipart baweriya sebrê
Bi xatirê çav li dawî kêm mam
Tune ye bextê poşmaniyê çi bêjim
Rûgeşî xwe ji serî nagire
Dijwarî diyariya jiyanê ye
Bisekin
Va ez hatim qetla biyaniyê
Li destmala silava spî xwe bipêçim
Ramûsanek deynim germa dilê zelal
Ji bîr neke seknê
Bi sonda hatinê ez bêriya te dikim
Bisekin
Li Ser Bîranîna Ahmedê Xanî (1)
Ji zayîna rûmeta mirovahî
Ji destpêka dîrokî şehrezayî
Ji deryayê zanistî û zanîne
Ji honandina rista şerê jinê
ji bermayî yên şûrê setemkaran
Ji kavil û xopanên dîl û jaran
Ji kerb û hesreta çend hezar salan
Ji îbreta çîroka bav û kalan
Ji pêsîrên dayikan şîrê helal
Ji kezeba vî erdê ava zelal
