Əsər Livanelidən oxuduğum ikinci əsərdir. Serenaddan sonra müəllif gözümdə keyfiyyətli yazar olaraq yadımda qalmışdı. Bu əsərdə də haqqını verdi.
Hadisələrin inkişafı, gedişatı və sonlanaması ayrıca möhtəşəmdir. Ancaq mənə maraqlı olan müəllifin əsərin qəhrəmanı ilə qurdurduğu empatiya və onun yaşayışını konkret gözümüzdə canlandırması əsərin uğurudur deyə düşünürəm.
Əsərin əsas süjet xətti Posttravmatik stress pozuntusu nəticəsində formalaşan hadisələr əsasında davam edir. Psixologiya insanı sağaltmaq, ədəbiyyat isə onu anlamaq üçündür. Düşünürəm bu əsər bunu bacarıb.
Matt Heygdən oxuduğum İkinci kitabdır. Qələmini sevməyə başladım. Ingilis olması ayrıca bir öncəlikdir mənim üçün. Dumanlı ölkədən, aydın fikirlərin çıxması maraqlıdır.
Kitab yadplanetlilərin dünyanı izləməsi fikri ilə başlayır. Olduqca tükürpədici bir faktdır. Bu qədər böyük kainatda tək olmağımızda qorxuncdur. Tək olmamağımızda. Hansından az qorxuruqsa ona inanırıq.
Kitabda bir riyaziyyat professoru olan Endryu Martinin həyatından bəhs edir. Orada nə baş verdiyini sizə desəm bir az spoiler olacaq. Ona görə susum bu barədə.
Müəllif yadplanetlilərin gözü ilə bizim insanlıq tablomuzu keyfiyyətli şəkildə çəkib deyə düşünürəm. Özümə sual verdiyim, həqiqətən də elədir dediyim çox məqamlar oldu.
Növbəti kitabını yəqinki mayda oxuyuram. Hər kəsin oxuması lazımdır deyə düşünürəm.