"Yeganə real plan intihar idi, onlarınsa belə bir fikri yox idi. Bu gündən sabaha, bu həftədən gələn həftəyə adlayır, gələcəyi olmayan indiki zamanı yaşayırdılar. Bu, hava varkən nəfəs almaq kimi qarşısıalınmaz instinkt idi".
"Uinstona görə, ümumiyyətlə, heç bir təmiz hiss ola bilməzdi, çünki hər şeyə qorxu və nifrət qarışmışdı. Onların qucaqlaşması bir döyüş, sevişməsi isə zəfər idi. Bu, Partiyaya zərbə idi, siyasi hərəkət idi".
"Kənardan bir istinad yeri olmayanda adamın öz həyatının konturları da itir, heç nəyi xatırlaya bilmirsən. Yaddaşında, bəlkə də, heç olmamış hadisələr canlanır".
"Mahnı oxumaq, yürüşə, kütləvi səfərə çıxmaq, bayraq qaldırmaq, təlim silahları ilə məşq etmək, Böyük Qardaşa tapınmaq--bütün bunlar onlar üçün bir növ gözəl oyun idi".
"M.C.Bağırov/Baş Tutmamış çevriliş" kitabı Adıgözəl Məmmədovdan oxuduğum ilk kitabdır. Kitabı oxumağımdakı məqsəd M.C.Bağırov-H.Hüseynov münasibətlərini tam şəkildə anlamaq idi. Ancaq bu məsələyə gələnə kimi daha çox önəmli hadisələrlə tanış oldum. Azərbaycanın siyasi idarəsinin rəisi olan M.C.Bağırov şəxsiyyətini bir çox aspektdən tanıdım. Kitabda M.C.Bağırovun AKP MK-nin birinci katibi işlədiyi zaman Respublikadakı ictimai-siyasi vəziyyətdən, onun xalqını qoruma naminə apardığı siyasətdən (Kitabda M.C.Bağırov şəxsiyyətinə heyran qaldığım hissə onun Cənubi Azərbaycanla bağlı fikirləri və atdığı addımlar idi), L.Beriya ilə olan dostluq əlaqələrindən, M.C.Bağırovun Stalinə və Stalinin də Bağırova münasibətlərindən və bunun kimi olduqca önəmli məsələlərdən bəhs edilir.
Kitab axıcı və dili rahatdır. Maraqla və sevərək oxuduğum kitab oldu.