Müasir türk ədəbiyyatı nümunəsi olan bu kitabı, təəssüf ki, sevə bilmədim. 400 səhifəlik romanda cümlələr olduqca bəsit, məzmun şablon idi. Səhifə sayı çox olsun deyə uzunçuluq edildiyi hiss olunur. Halbuki daha yığcam yazıla bilərdi. Əsərin sonluğunu da təxmin etmək olur. Əvvəllər sevərək oxuyardım, lakin indi romantik dram tipli sadə mətnlər diqqətimi cəlb etmir. Əksəriyyəti eyni süjet xəttinə malik olur. Bir çox oxucu kimi mən də vaxt itkisi hesab edirəm. Türk seriallarındakı dialoqların kitablaşmış formasını oxuyurdum elə bil.
Ancaq ortada böyük bir zəhmət var. Əlbəttə, kiməsə oxuyun, oxumayın demərəm əsla, mən ancaq öz şəxsi fikirlərimi bildirirəm. Oxumaq istəsəniz, nacizanə tövsiyəm, haqqında kiçik bir araşdırma edin.