Ey xakbüsati xarbəstər,
Kami-dili-təngü dideyi-tər!
Hər tə'nə ki, eyləsən rəvadır,
Səndən xaciləm, üzüm qəradır.
Bəsdir mənə çəkdiğim xəcalət,
Şərməndəligimdəki məlamət.
Çün mötərifəm ki, var günahım,
Öz lütfünü eylə üzrxahım.
Mən gövhərəm, özgələr xiridar,
Məndə degil ixtiyari-bazar.
Dövran ki, məni məzadə saldı,
Bilməm kim idi satan, kim aldı?
Olsaydı mənim bir ixtiyarım,
Olmaz idi səndən özgə yarım!