2023-cü il üçün 2-ci kitab, Aytmatovdan oxuduğum yeni, başqa bir kitab... Kitaba bayıldım, mükəmməldir. Aytmatovun qələmi çox gözəldir, insanın ürəyinə toxunur yazdığı əsərlər və kitablar. Mən hər kitabını oxuyanda və bitirdikdən sonra ağlamaq istəyirəm, sanki sarsıdır insanı. Bu kitab da çox toxundu mənə, povest olsa belə, səhifə sayısının azlığı da fərq etmir. Kitabın sanki hər cümləsi bir alıntıdır.
Əsas xarakter Altanaydır, kitab onun həyatından bəhs edir. Onla yanaşı, onun ilk müəllimi və sevgisi olan Düyşen. Kitab Sovet dövrünün vaxtlarındandır, 1924-cü il danışılır, Düyşen də Lenin tərəfdarı və kommunistdir, ancaq bu faktorlara baxmayaraq çox sevdim bu obrazı. Mənim fikrimcə, digər oxuyucular da bəyənə bilər. Düyşen bir kəndə gəlir məktəb açsın, ancaq kəndlilər dəstək durmur, öz çabası ilə açır, Altanay da burda təhsil almağa çalışır. Davamını danışmayacam, sizin oxumağınız daha məsləhətlidir. Belə də kitabı tövsiyə edirəm, düşünürəm ki, bu kitab il sonu 2023 ən sevdiyim onluq sırasında olacaq.
