Sizin üçün maraqlı deyil, bəs niyə müasir dövrdə, dillər əzbəri olan sevgi cütlükləri yaranmır? Mən suala cavab tapmaqda çətinlik çəkərək demişdim:
- Yəqin, indi elm, texnika əsridir. İnsanlar hiss və ehtirasların, romantik duyğuların əsiri deyillər... O, sözümü tamamlamağa imkan verməmişdi: - Yəni deyirsiniz ki, indiki dövrdə heç kim heç kimi sevmir?
Özümə bəraət qazandırmaq üçün dediklərimi sığortalamışdım:
- Yox, sevməyinə sevirlər. Ancaq indiki sivilizasiyasının insanları daha soyuqqanlıdırlar. Ürəklə, qəlblə yox, başla, beyinlə sevirlər. İndiki sevgi təmənnalı sevgidir..