Hər kəsə salam.
Rövşən Abdullaoğlunun qələmə aldığı "Bu şəhərdə kimsə yoxdur" psixoloji romanı həyata çox fərqli baxışları olan 2 nəfərin qarşılaşması ilə başladı. Başlayan zaman öz-özümə düşünürdüm axı bu kitab niyə bu qədər sevilir. Və oxuduqdan sonra buna tam əminliklə cavab tapdım. Villi- həyatı uşaqlıq vaxtlarından bəri çətinliklə keçən, hal-hazırda isə ailəsi olmağına baxmayaraq, həyatdan üz döndərən bir gəncdir. Visam-isə onun əksinə. Bu qədər çətinlik yaşamağına baxmayaraq, ən ağır xəstəliklə mübarizə aparmasına baxmayaraq, həyata nikbin gözlə baxan biridir. Və Visamın Villinin həyatına daxil olması ilə bir ailənin həyatı tamam dəyişir. Əsər o qədər gözəl yazılıb ki. Bəzi hissələrdə göz yaşlarımı artıq saxlaya bilmədim. Əsərin mənə qatdıqları çoxdur. Ən əsası insanın hər gününə şükür etməyi, günləri sanki son günü imiş kimi doya-doya yaşamağı və ən əsası ailəmin dəyərini bilməyi öyrətdi. Oxuyacaq olanlara xoş mütaliələr.
10/10
