Biz bir-birimizi bağışlaya bilərik, ancaq o böyük eşqi məhv etdiyimizçün Allah bizim heç birimizi bağışlamayacaq
"Məni unut!"dedin,
Səndən bir dəniz qalmışdı mənə,
Unutdum dənizini də,
"Məni unut!"dedin yenə,
Səndən bir göyüzü qalmışdı mənə,
Unutdum göyüzünü də,
"Məni unut"dedin yenə,
Bir "unut" sözü qalmışdı səndən mənə,
Unutdum «unut» sözünü də,
Daha unutmağa nə qaldı, nə?!
Ancaq "Məni unut"-dedin yenə,
Səni çoxdan unutmuşam,
İndi səni yox, indi
"Mən səninçün axdım,
Məni unutma!" deyən
bir damla göz yaşını
düşünürəm min ildi.
·
148 görüntüleme
Yorum yapabilmeniz için giriş yapmanız gerekmektedir.