SİRHİND
Meşhûr İmam-ı Rabbánî ile ba'zi evlád-ı kirâmı burada medfûn olduklarından müşarün-ileyhim hazretlerini ziyâret itmek içün avdetimizde şehr-i mezkûre gitmeyi arzu itdiğimiz cihetle İngiliz hükümeti tarafından bizim Sirhind'e gideceğimiz gün raca-i merkuma haber virildiginden (Amritsar)'dan çıkıb Dehli'ye gider iken esnái râhda Sirhind istasyonuna indik. Oradan bizi Sirhind şehrine götürmek içün raca-i müşâriün-ileyh, üzerlerinde etrâfi altun ve gümüşden ma'mûl tâvus kuşları resm mücessemleriyle müzeyyen kurma şeklinde birer taht bulunduğu hâlde kendisinin rükübûna mahsus olan iki re's fil ve bir kaç aded mutantan faytonlar ve sırmalı haşşeler ile müzeyyen Arab atları tarafından Sirhind vâlîsi bulunan Mecûsî tâifesinden bir zatı Sirhind hanedânindan bir ehemmiyyetli me'muriyyetde bulunan müsellim bir zata terfîkan ve arkalarında müteaddid sivâri ve piyade âdemleri bulunduğu hâlde istasyona göndermiş ve kendusinin bile ba'zi mühim meşguliyyeti olmıyacak olaydı bi z-zât geleceğini beyân itmiş olduğundan misâfirlerden her birimiz bunlardan birine râkiben şehre azîmet eyledik. Fakat file binmek pek kolay olmayub fil yere çükdüğü hâlde bu misillü binek fillerinin yanında dâimâ asılmış nerd-bân olduğundan filci fili yatırdıktan sonra nerd-bânı yanına koyarak üzerine binecek âdem bu nerd-bân vâsıtsiyle biner. Fil oturur iken ön ayaklarını uzadarak oturduğu cihetle kalkar iken üzerindeki âdem sarsılmak kabil değildir.
Sayfa 146Kitabı okuyor
·
2 görüntüleme
Yorum yapabilmeniz için giriş yapmanız gerekmektedir.