Hamsun "Torpağın bərəkəti"ni oxuduğumdan bəri yazılarını sevdiyim yazıçılardandır, hətta "ən sevdiyin yazıçı kimdir?" deyə soruşulsa, cavab olaraq verə biləcəyim birisidir (Bu suala əsl cavabım isə yoxdur, sırf cavab vermək xətrinə cavab versəm əgər). Nəysə, sayca 6-cı kitabdır Hamsundan oxuduğum. Hamsunun sevdiyim tərzi adi hadisələri tamamlayıcı və aydın şəkildə təsvir etməsidir. Baş qəhrəmanın aspektindən baxılanda görünən mənzərəsi rəsm əsəri kimi görmək olar. Halbuki, bu kitabda müəllifin rəsmlə bağlı hər hansısa təhsil almadığı qeyd edilmişdi. Amma əsərin nəql edicisi də rəssam idi.