Yazıçı Axısqa türklərinin sürgünə qədərki gündəlik həyatlarını, əsas obrazların keçmiş xatirələrini və sürgün günlərini təsirli şəkildə təsvir edir. Sürgün olunan insanların sonrakı həyatı ilə bağlı qısa bir məlumat vermişdir. Bir neçə il sonra baş verən ikinci sürgün barədə isə, ilkindən fərqli olaraq, geniş yazmamışdır. Məncə, yazıçı bununla olaylar haqqında yetərincə məlumatı olmayan oxucular üçün araşdırma yeri qoymuş olub.
Kitabı oxuduqdan sonra, fikrimcə, oxucular yaxın tarixdə baş vermiş bu olayları ətraflı öyrənmək istəyəcəkdir.