Hema hema ti ferq ziwanê nuştoxî û ziwanê ma de çinî bî. Îhsan Espar pîranij o. Ma zî eslê
xo de pîranij î, seba ey ra ziwanê ey wendiş de tada mi nêkerd ziwanêko wêş, zelal akerde bî. Nuştox karekteranê xo rey de waşto kêmanîya, cahiltîya şarê ma bero çimanê wendoxan ver. No armancê xo de serkuweno. Wexta mi wendinî zaf reyan ez vindetinî aye cahîlîya ke mi gedeyêya xo de dîbî (ke kêm bibo zî hama zî na cahîltî esta) fikirîyaynî. Çîyo ke Serê Beyi de vîreno ez vana qey hemîn dewanê ma de hemîn keye û aîleyê ma de perçeyek zî bibo vîreto. Tesfîrkerdişê nuştoxî zaf weşî bî.
