Öne Çıkan Bir Şey kitaplarını, öne çıkan Bir Şey sözleri ve alıntılarını, öne çıkan Bir Şey yazarlarını, öne çıkan Bir Şey yorumları ve incelemelerini 1000Kitap'ta bulabilirsiniz.
Şəxsi inkişaf, motivasiya xarakterli kitablarla çox da aram yoxdu. Amma bəzən belə kitablara şans verib vaxtımı oğurlamaqlarına izin verirəm. "Bir Şey" kitabı isə indiyə kimi oxuduğum sözügedən janr tipinin nümunələri içərisində ürəyimdən tikan çıxaranı oldu. Həqiqətən, bu kitab sadəcə bir şeyə fokuslanır və bir çox məsləhət-məlumat gipnozundan ibarət "populist manevrləri" ilə növbəti qurbanlarını ələ keçirən digər fərdi inkişaf kitablarına - əsasən! - bənzəmir. Oxudum, mənimsədim, indi isə tətbiq edirəm.
"İyirmi il sonra siz etdikləriniz üçün deyil, daha çox etmədikləriniz üçün heyifsilənəcəksiniz. Ona görə də lövbəri qaldırın və sakit limanı tərk edin. Fırtınalara sinə gǝrin. Araşdırın, xəyal qurun, kəşf edin."
"Təsəvvür edin ki, həyat bir oyundur və siz eyni zamanda beş topu alinizdə atıb-tutursunuz. Topların adı iş, ailə, sağlamlıq, dostlar və dürüstlükdür. Nəhayət, bir gün siz işin "rezin top" olduğunu başa düşürsünüz. Əgər onu əlinizdən salsanız, o, yerə dəyib yenidən havaya qalxacaq. Digər toplar (ailə, sağlamlıq, dostlar, dürüstlük) isə şüşədəndir. Onlardan birini yerə salsanız, həmişəlik zədələnəcək, bir hissəsi qopacaq və yaxud çilik-çilik olacaq."
"İnsanların əksəriyyəti xəyallarının yarısını belə gerçəkləşdirə bilmir, etdikləri və yaxud etmədikləri seçimlər ucbatından belə olduğunu bilə-bilə ölürlər."
"Əgər siz cavabların ən yaxşısını istəyirsinizsə, bilin ki, o sizin rahatlıq dairənizdən kənardadır. Böyük cavab heç vaxt yolunuzun üstündə olmayacaq."